យុវតីបង្ហោះរូបជាមួយឪពុកសង្ហាពេក ធ្វើឲ្យគេឯងច្រឡំថាជាសង្សារ
- 2016-03-16 18:42:11
- ចំនួនមតិ 0 | ចំនួនចែករំលែក 0
យុវតីបង្ហោះរូបជាមួយឪពុកសង្ហាពេក ធ្វើឲ្យគេឯងច្រឡំថាជាសង្សារ
ចន្លោះមិនឃើញ
រូបថតសមាជិកគ្រួសាររបស់យុវតីម្នាក់មកពីក្រុង Chengdu ខេត្ត Sichuan ប្រទេសចិនកំពុងក្លាយជាប្រធានបទល្បីពេញបណ្ដាញទំនាក់ទំនងសង្គមចិន Weibo ក្រោយពេលមនុស្សជាច្រើនស្ទើរមិនជឿនឹងភ្នែកថាឪពុកម្ដាយរបស់យុវតីមានអាយុច្រើនតែសម្រស់នៅក្មេង។
តាមសារព័ត៌មានចិន People's Daily បានឲ្យដឹងថា រូបថតដើរលំហែលក្ខណៈគ្រួសាររបស់យុវតីធ្វើឲ្យបណ្ដាអ្នកលេងអ៊ីនធឺណិតជាច្រើនបានយល់ច្រឡំ។ អ្វីដែលគួរឲ្យកត់សម្គាល់នោះ គឺមនុស្សជាច្រើន គិតថាឪពុករបស់ក្មេងស្រីដែលបច្ចុប្បន្នមានវ័យ៤៧ឆ្នាំ គឺជាមិត្តប្រុសរបស់នាង។ ចំណែកឯម្ដាយរបស់យុវតីដែលមានអាយុ៤៧ឆ្នាំ ត្រូវមនុស្សជាច្រើនច្រឡំថាជាបងស្រីរបស់យុវតីទៅវិញ។
តាមប្រភពពី សារព័ត៌មាន Shanghaiist មតិមនុស្សជាច្រើនជឿថាសម្រស់វ័យក្មេងរបស់សមាជិកគ្រួសារខាងលើគឺមកពីហ្សែនតំណពូជ ដែលធ្វើឲ្យពួកមាននៅក្មេងទោះបីអាយុរាងជ្រេក៏ដោយ។ ចំណែក លោកយាយរបស់យុវតីខាងលើ ក៏ត្រូវបានគេជឿថានៅរក្សាសម្រស់បានយ៉ាងល្អ។
ដោយឡែក យុវតីមកពីប្រទេសចិនខាងលើ ក៏បានបង្ហាញរូបថតកាលនៅវ័យកុមាររបស់នាងជាមួយលោកប៉ារបស់នាងផងដែរ។
ប្រែសម្រួល៖ មាន រតនា ប្រភព៖ people daily, shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
