ត្រឹមសប្ដាហ៍ដំបូង “Batman v Superman” រកបាន៤២៤លានដុល្លារពីជុំវិញពិភពលោក

2016-03-28 17:10:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរយៈពេល៥ថ្ងៃដំបូងនៃការចាក់បញ្ចាំង ខ្សែភាពយន្តវីរបុរស “Batman v Superman: Dawn of Justice ” របស់ផលិតកម្ម Warner Bros អាចរកចំណូលបានដល់ទៅ៤២៤លានដុល្លារនៅក្នុងតារាភាពយន្ត box office ជុំវិញពិភពលោកទោះជាមានការរិះគន់ខ្លះពីរឿងនេះក៏ដោយ។

ភាពយន្តដែលមានតារាសម្ដែង Ben Affleck ដើរតួជា Batman និង Henry Cavill ជា Supermanជាតួឯកក៏បានបំបែកកំណត់ត្រាជាខ្សែភាពយន្តដែលរកចំណូលបានច្រើនជាងគេក្នុងប្រវត្តិសាស្ត្រខែ មីនាក្នុងតារាង box office អាមេរិកខាងជើងដោយរកបាន១៧០,១លានដុល្លារ។

មិនតែប៉ុណ្ណោះ ចំណូល៤២៤លានដុល្លារនេះបានធ្វើឲ្យ “Batman v Superman: Dawn of Justice ” ក្លាយជាភាពយន្តវីរបុរសកំពូលទាំង៤ក៏ដូចជាភាពយន្តអាមេរិកកំពូលទាំង៦និងភាពយន្តលំដាប់ទី២របស់ផលិតកម្ម Warner Brosបន្ទាប់ពីរឿង“Harry Potter and the Deathly Hallows: Part 2’s” ដែលរកចំណូលបានច្រើនក្នុងប្រវត្តិសាស្ត្រសម្រាប់ការបញ្ចាំងក្នុងសប្ដាហ៍ដំបូង។

ភាពយន្តដែលចំណាយដើមទុន២៥០លានដុល្លារបានបើកបញ្ចាំងនៅ៦៦ទីផ្សារលើពិភពលោក ដោយនៅចិនរកបាន៥៧លានដុល្លារ ចក្រភពអង់គ្លេស ២១,៩លានដុល្លារ ម៉ិកស៊ីកូ១៨,៦លានដុល្លារ ប្រេស៊ីល១២,២លានដុល្លារ កូរ៉េ១០,៥លានដុល្លារ អូស្ត្រាលី១០លានដុល្លារនិង៥លាននៅរុស្សី៕