តារាថៃកាត់បារាំង Chin ស្រក់ទឹកភ្នែកពេលចូលបម្រើកងទ័ព ខណៈ Mikeរួចខ្លួន

2016-04-05 18:56:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងចម្រៀងកូនកាត់ថៃបារាំង Chin Chinawut បានស្រក់ទឹកភ្នែកតាមកញ្ចក់ទូរទស្សន៍ជាតិកាលពីម្សិលមិញ ក្រោយលោកត្រូវបានចាប់ឆ្នោតឲ្យចូលបម្រើកងទ័ពរយៈពេល២ឆ្នាំ។

បន្ទាប់ពីព្យួរពេលចូលបម្រើទ័ពអស់រយៈពេល៦ឆ្នាំ តារាវ័យ២៧ឆ្នាំមានក្ដីភ្ញាក់ផ្អើលយ៉ាងខ្លាំងនៅពេលដែលគេហៅចូលបម្រើទ័ព បន្ទាប់លោកព្យាយាមចង់ព្យួរម្ដងទៀត តែត្រូវគេបដិសេធ។ ការបំពេញកាតព្វកិច្ចបានធ្វើឲ្យ Chin ខកខានសម្ដែងរឿងភាគថ្មី២រឿងរបស់ទូរទស្សន៍ និងភាពយន្តមួយរឿងផងដែរ។

Chinព្យួរកាបម្រើទ័ពដោយសារគេធ្លាប់មានគ្រោះថ្នាក់ដួលកង់កាលពី៩ឆ្នាំមុន បានធ្វើឲ្យបាក់ចង្កេះឆ្វេង។ បច្ចុប្បន្ន ដៃរបស់ Chinនៅមានស្របដែកនៅពីក្នុងនៅឡើយទេ។ យ៉ាងណាក្ដី ក្រោយពិនិត្យសុខភាពខាងទាហានសម្រេចថា សុខភាពរបស់ Chinawut អាចបម្រើទ័ពបាន។ ក្នុងកិច្ចសម្ភាសន៍ Chin Chinawutបានយំនិងរៀបរាប់ថា៖"វាមិនមែនថាខ្ញុំមិនចង់បម្រើទ័ពទេ។ ខ្ញុំគ្រាន់តែបារម្ភពីគ្រួសារ ព្រោះលោកជាអ្នកទទួលបន្ទុកនៃគ្រួសារ"។ គេនឹងចូលបំពេញភារកិច្ចនៅថ្ងៃទៅ ១ ខែ ឧសភា។ នេះតាម Kapook ។

ក្រៅពី Chin នៅមានតារាជាច្រើនទៀតបានបង្ហាញវត្តមានកន្លែងកេណ្ឌទាហានថ្មីក្នុងឆ្នាំនេះ ដែលក្នុងនោះគេក៏ឃើញមុខ តារាចម្រៀងនិងសម្ដែង Pirath “Mike” Nitipaisankul ដែរ ប៉ុន្តែគេត្រូវបានព្យួរដោយសារមានជំងឺហឺត។ ហេតុផលនេះបានធ្វើឲ្យមានចម្ងល់ចោទឡើងជាច្រើនក្នុងចំណោមអ្នកលេងបណ្ដាញសង្គម ៕