តារាសម្ដែងថៃល្បីៗ៥រូប ដែលមានមិត្តប្រុសជាសេដ្ឋី
- 2016-04-10 16:20:05
- ចំនួនមតិ 0 | ចំនួនចែករំលែក 0
តារាសម្ដែងថៃល្បីៗ៥រូប ដែលមានមិត្តប្រុសជាសេដ្ឋី
ចន្លោះមិនឃើញ
ខណៈដែលរឿងភាគថៃជាច្រើននិយាយរៀបរាប់ពីបុរសជាអ្នកមានឬម្ចាស់ក្រុមហ៊ុនលង់ស្នេហ៍នារីក្រីក្រ ខ្សែជីវិតក្រៅឆាករបស់តារាសម្ដែងរឿងភាគថៃមួយចំនួនក៏មិនខុសពីនោះដែរ។ តួយ៉ាងតារាស្រី៥រូបខាងក្រោមនេះសុទ្ធតែកំពុងមានមិត្តប្រុសជាសេដ្ឋីអ្នកមានទាំងអស់៖
៥. Margie Rasri
តារាសម្ដែង Margie និងមិត្តប្រុស Pok បានផ្ដើមទំនាក់ទំនងស្នេហាជាមួយគ្នាមួយរយៈហើយ។ ឪពុករបស់ Pok គឺជាសេដ្ឋីជំនួញធំដុំមួយរូបក្នុងវិស័យសណ្ឋាគារ។ ខាងក្រោមនេះគឺជារូបថតរបស់ពួកគេលើគណនី Instagram របស់ Margie។
៤. Mint Chalida
គូស្នេហ៍មួយគូនេះក៏ត្រូវបានសារព័ត៌មានចាប់អារម្មណ៍ប៉ុន្មានឆ្នាំហើយដែរ។ ថ្មីៗនេះទៀត ពួកគេបានបង្ហោះរូបភាពជាច្រើនទៅកាន់គណនី Instagram រៀងៗខ្លួន។ Pupaa Taechanarong ដែលជាមិត្តប្រុសរបស់ Mint គឺជាប្អូនប្រុសរបស់ស្វាមីតារាសម្ដែង Aff Taksoarn គឺលោក Songkran។ Pupaa និង Songkran គឺមកពីគ្រួសារសេដ្ឋីមានទ្រព្យសម្បត្តិរាប់ពាន់លាន។
៣. Janie Tien
តារាសម្ដែង Janie Tienphosuwan និងគូស្នេហ៍ Kueng Chalermchai បានចាប់ផ្ដើមទំនាក់ទំនងជាមួយគ្នាដោយលួចលាក់មួយរយៈហើយ ទើបតែប៉ុន្មានខែមុននេះទេដែលក្មួយប្រុសនិងក្មួយស្រីរបស់ Janie បានបង្ហើបរឿងនេះប្រាប់អ្នកព័ត៌មាន។ កាលនោះ Janie នៅតែបដិសេធព័ត៌មានទំនាក់ទំនងពួកគេនៅឡើយ។ ប៉ុន្តែឥលូវនេះ គណនី Instagram ផ្ទាល់ខ្លួនរបស់ពួកគេចាប់ផ្ដើមបង្ហោះរូបជាមួយគ្នាយ៉ាងបើកចំហ។ Kueng គឺជាអ្នកជំនួញដ៏ជោគជ័យមួយរូបដែលមានភាគហ៊ុនរាប់រយលានដុល្លារ និងមានឈ្មោះក្នុងទស្សនាវដ្ដីពាណិជ្ជកម្ម Forbes ទៀតផង។
២. Poo Praiya
តារាសម្ដែងសិចស៊ី Poo Praiya និងមិត្តប្រុស Note Witsarut បានស្ថិតក្រោមក្រសែភ្នែកសារព័ត៌មានបន្ទាប់ពីមង្គលការដ៏ជោគជ័យរបស់តារាសម្ដែង Chompoo និង Nut។ Note គឺជាប្អូនថ្លៃរបស់ Chompoo ហើយក៏ជាអតីតមិត្តប្រុសរបស់ Aum Patcharapa ដែរ។ គេកើតក្នុងគ្រួសារសេដ្ឋីមានទ្រព្យពាន់លាន ដែលមានជំនួញក្នុងវិស័យអគ្គិសនីរាប់ឆ្នាំមកហើយ។
១. Aum Patcharapa
តារាសម្ដែងជួរមុខ Aum Patcharapa និងមិត្តប្រុស Amp Pithan បានសាងទំនាក់ទំនងនឹងគ្នាជាង៤ឆ្នាំហើយមកដល់បច្ចុប្បន្ន។ អាចនិយាយបានថាពួកគេគឺជាគូស្នេហ៍តារាចាស់ទុំជាងគេ បើគិតទៅលើអាយុនិងបទពិសោធន៍។ Pitharn Ongkosit គឺជានាយកប្រតិបត្តិក្រុមហ៊ុន KCE Electronics Public Company Limited តាំងពីខែកក្កដា ឆ្នាំ២០១៣ម្ល៉េះ ៕
ចុចអាន៖មកស្គាល់គូស្នេហ៍តារាថៃ៨គូដែលកំពុងស្រលាញ់គ្នាពេលបច្ចុប្បន្ន
ចុចអាន៖តារាសម្ដែងស្រីថៃ៦ដួង ដែលបានស្វាមីជាសេដ្ឋីស្ដុកស្ដម្ភ
ប្រែសម្រួល៖ វ៉ាន់ថន ប្រភព៖ thaicelebrityfever