តារាកំប្លែងល្បី Koo Tee ដាច់ចិត្តបង្ហាញមុខមិត្តស្រីវ័យក្មេងលើកដំបូង

2016-04-22 00:16:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយលាក់បាំងជាង២ឆ្នាំ ទីបំផុតតារាកំប្លែងថៃ Koo Tee Aramboy បានដាច់ចិត្តបង្ហាញមុខមិត្តស្រីវ័យក្មេងដ៏ស្រស់ស្អាតរបស់ខ្លួនហើយ។

កាលពីម្សិលមិញនេះ តារាកំប្លែងមាឌធាត់វ័យ ៣៥ឆ្នាំ បានបង្ហោះសារជូនពរថ្ងៃខួបកំណើតរបស់មិត្តស្រីខ្លួន យ៉ាងផ្អែមល្ហែម ជាពិសេសថែមទាំងបានបង្ហាញមុខពេញរបស់នាងទៀតផង ខណៈដែលរាល់ដង អ្នកគាំទ្របានត្រឹមតែឃើញរូបនាងពីក្រោយ រូបងងឹត ឬបញ្ឆិតបញ្ឆៀងតែប៉ុណ្ណោះ។ តារាសម្ដែងរឿង "អ្នកប្រដាល់មិនដែលឈ្នះ" បានសរសេរសារជាភាសាអង់គ្លេសដែលមានន័យជាភាសាខ្មែរថា៖

"រីករាយថ្ងៃកំណើតសំណព្វចិត្ត អរគុណចំពោះការស្រលាញ់និងមើលថែបងកន្លងមក។ អូនគឺជាមនុស្សតែម្នាក់គត់ដែលតែងតែនៅក្បែរបងទាំងពេលសប្បាយ និងពេលកើតទុក្ខ។

បងគ្រាន់តែចង់ប្រាប់អូនថាមិនថាថ្ងៃស្អែកមានរឿងអីកើតឡើង តែបងនៅតែស្រឡាញ់និងថែរក្សាអូនជារៀងរហូត។ អូននៅតែជាបេះដូងបងរហូតដល់ដង្ហើមចុងក្រោយ។

បន្ទាប់ពីម្ដាយបង អូនគឺជានារីដែលបងស្រឡាញ់ជាទីបំផុត @supakch រីករាយថ្ងៃកំណើត"

Koh Tee និងមិត្តស្រីដែលមិនមែនជាអ្នកសិល្បៈ ត្រូវគេដឹងថាមានទំនាក់ទំនងស្នេហាជាមួយគ្នាជិត២ឆ្នាំមកហើយ ហើយអ្នកទាំងពីរមានវ័យខុសគ្នា១០ឆ្នាំ ៕