ពណ៌ទាំង៨ រួមចំណែកធ្វើឲ្យផ្ទះស្រស់ស្អាត និងមានហុងស៊ុយ
- 2016-05-02 22:34:39
- ចំនួនមតិ 0 | ចំនួនចែករំលែក 0
ពណ៌ទាំង៨ រួមចំណែកធ្វើឲ្យផ្ទះស្រស់ស្អាត និងមានហុងស៊ុយ
ចន្លោះមិនឃើញ
ការជ្រើសរើសពណ៌រៀបចំតុបតែងផ្ទះតាមក្បួនត្រឹមត្រូវ ធ្វើឲ្យគ្រប់គ្នាមានជំនឿថានឹងនាំសំណាង រាសីខ្ពស់ និងហុងស៊ុយដល់ម្ចាស់ផ្ទះ។ ពណ៌ហុងស៊ុយរាប់គិតចាប់តាំងពីច្រកចូលផ្ទះ បង្អួច ទ្វារ បន្ទប់គេង បន្ទប់ទទួលភ្ញៀវ និងចង្ក្រានបាយជាដើម។
១. ពណ៌លឿង៖
ពណ៌លឿងឆើត តំណាងឲ្យពន្លឺព្រះអាទិត្យ ភាពរីករាយ ថាមពល ទាក់ភ្នែក ដែលមានហុងស៊ុយខ្ពស់ គេប្រើភាគច្រើនសម្រាប់ផ្ទះបាយ បន្ទប់ទទួលភ្ញៀវ និងបន្ទប់កុមារ។
២. ពណ៌ក្រហម៖
ក្រហម ត្រូវគេជឿថាជាពណ៌មានហុងស៊ុយជាងគេបំផុត ដែលមនុស្សភាគច្រើនពិសេសប្រជាជនអាស៊ីចង់បានពណ៌ទាក់ភ្នែកមួយនេះ។ ពណ៌នេះតំណាងឲ្យវិបុលភាព ភាពរីករាយ និងរឹងមាំ ដោយបរទេសលោកខាងលិចចូលចិត្តជ្រើសរើសដាក់បន្ទប់គេង។ បើតាមសែស្រឡាយចិន ពណ៌ក្រហមគេជឿថា នាំលាភសំណាង និងសុភមង្គល ឯក្នុងប្រទេសឥណ្ឌាក្នុងពិធីរៀបការ ពណ៌នេះតំណាងឲ្យក្ដីស្រលាញ់ ភាពរ៉ូមែនទិក អង់អាចក្លាហាន និងមហិច្ឆតា។
៣.ពណ៌បៃតង៖
បៃតង ជាពណ៌ហុងស៊ុយបង្ហាញភាពបន្តកើតមាន ថាមពល សន្តិភាព និងការបង្កើតថ្មី។ ចំពោះការជ្រើសរើសពណ៌បៃតងតុបតែងក្នុងគេហដ្ឋាន វាហាក់បីដូចជាធ្វើឲ្យសុខភាពរបស់អ្នក ស្រស់ថ្លាដូចធម្មជាតិអីចឹងដែរ។
៤. ពណ៌ទឹកក្រូច៖
តំណាងឲ្យចិត្តសុទិដ្ឋិនិយម ចូលចុះសង្គម និងចិត្តទូលាយ។ ចំពោះប្រជាជនលោកខាងលិច ចូលចិត្តជ្រើសរើសពណ៌ទឹកក្រូចតុបតែងតែងលើកៅអី ឬសាឡុងពីមុខចង្ក្រានភ្លើង និងបន្ទប់គេងបែបទំនើប។
៥. ពណ៌ស៖
ហុងស៊ុយពណ៌ស បង្ហាញពីភាពបរិសុទ្ធ ភាពគ្មានទោសពៃរ៍ ហើយវាអាចស៊ីគ្នាជាមួយពណ៌ជាច្រើនទៀត។ ពណ៌សត្រូវគេឃើញមានច្រើននៅតាមជញ្ជាំងក្នុងផ្ទះ ពិតាន តុ ទូ ឬបន្ទប់គេងបែបរ៉ូមែនទិក ជាដើម។
៦. ពណ៌ស្វាយ៖
បង្ហាញពីភាពស្មោះត្រង់ អាថ៌កំបាំង សន្តិភាព ហើយក៏ជាពណ៌ស្រស់មួយដែរ ភាគច្រើនគេឃើញនៅតាមជញ្ជាំងបន្ទប់ ខ្នើយគេង និងរបស់ប្រើប្រាស់ក្នុងផ្ទះជាច្រើនទៀត។
៧. ពណ៌ផ្កាឈូក
បង្ហាញពីភាពទន់ភ្លន់ ក្ដីស្រលាញ់ និងភាពធូរស្បើយចិត្ត ដោយគេអាចយកពណ៌នេះដាក់ពីបន្ទប់គេងដល់ បន្ទប់បោកគក់។
៨.ពណ៌ខ្មៅ
បង្ហាញពីភាពគ្មានទីបញ្ចប់ ថាមពល និងកម្លាំង។ ពណ៌នេះត្រូវគេប្រើភាគច្រើនអមជាមួយពណ៌ស ដែលគេឃើញមានតាំងពីច្រកចូលផ្ទះ ដល់ចង្ក្រានបាយ ហើយកន្លែងពេញនិយមជាងគេគឺលើពិតានបន្ទប់គេង។
ចុចអាន៖ រូបភាព ៥ ផ្ទាំងតាំងក្នុងផ្ទះ បន្ថែមហុងស៊ុយឆ្នាំថ្មី
ចុចអាន៖ លេខអ្វីខ្លះដែលជាលេខហុងស៊ុយ?
ចុចអាន៖ អនុវត្តវិធីងាយៗដើម្បីឲ្យឡានមានហុងស៊ុយតាមក្បួនចិន
ប្រែសម្រួល៖ ឡេង ភារុណ ប្រភព៖ Feng Shui