វីដេអូខ្លីបង្ហាញពីកាដូដ៏មានន័យបំផុតសម្រាប់ម្ដាយគ្រប់រូប នាទិវាអ្នកម្ដាយ

2016-05-05 17:32:40
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូរំជួលចិត្តស្ដីពីការស្រលាញ់របស់ម្ដាយចំពោះកូន ត្រូវបានគេបង្ហោះលើបណ្ដាញសង្គម Youtube សម្រាប់ដាស់តឿនកូនៗ និងអបអរនៃទិវាមាតាពិភពលោក ៨ឧសភា។

ក្នុងវីដេអូចាប់ផ្ដើមដំបូង ដោយមិត្តភ័ក្ដិម្នាក់ បានសួរបុរសជាកូនថា "តើកាដូ ឬអំណោយអ្វីសក្ដិសមសម្រាប់នៅបុណ្យមាតាពិភពលោក"? កូននោះមិនបានឆ្លើយ តែបាននឹកឃើញកាលនៅក្មេង ខ្លួនចូលចិត្តឧបករណ៍លេងហ្គេម ដែលម្ដាយតែងទិញឲ្យ។

ដល់ពេញវ័យ កូននេះនៅតែចូលចិត្តលេងទៀត រហូតម្ដាយដែលកំពុងមានជំងឺមហារីក ទិញឲ្យសែងដល់បន្ទប់ទៀត។ ដោយសារវក់នឹងហ្គេម រូបគេមិនបានខ្វល់ពីសុខទុក្ខម្ដាយឡើយ រហូតថ្ងៃបាយជុំគ្នាមួយ កូននេះសម្រេចចិត្តសួរម្ដាយវិញថា "ម៉ាក់! តើម៉ាក់ចូលចិត្តអ្វី"?

ម្ដាយឆ្លើយទាំងរីករាយវិញថា៖ "ម៉ាក់ មិនចង់បានអ្វីពីកូនទេ សូមឲ្យតែកូនរៀនពូកែទៅបានហើយ"។ ផ្ទុយពីការគិតរបស់ម្ដាយ កូនប្រុសនេះមិនបានយកចិត្តទុកដាក់រៀនទាល់តែសោះ និងចាប់ផ្ដើមណាត់ជួបជាមួយមិត្តស្រី រហូតទំនាក់ទំនងអ្នកទាំងពីរកាន់តែឃ្លាតឆ្ងាយ និងមិននិយាយរកគ្នាថែមទៀត។ ហេតុនេះហើយ គេបានធ្វើឲ្យម្ដាយខ្លួនហូបបាយម្នាក់ឯង ជាមួយទឹកភ្នែកស្ទើររាល់ថ្ងៃ។

ថ្ងៃមួយកូនប្រុសនេះ និងមិត្តស្រីបានចែកផ្លូវគ្នា ធ្វើឲ្យគេខូចចិត្តខ្លាំង តែបានម្ដាយនៅគាំទ្រផ្ដល់កម្លាំងចិត្តជានិច្ច និងជាពេលរូបគេគិតពីម្ដាយឡើងវិញ។ បន្ទាប់ពីពិចារណាអំពីអតីតកាល និងអំពើមិនគប្បីចំពោះម្ដាយរាប់មិនអស់មក កូនកំលោះនេះបាននិយាយថា៖

ការញញឹមរបស់ខ្ញុំ ពេលឃើញម្ដាយរីករាយ ភាពក្រៀមក្រំរបស់ខ្ញុំ ពេលធ្វើឲ្យម្ដាយឈឺក្បាល សុភមង្គលរបស់ខ្ញុំ ពេលធ្វើឲ្យម្ដាយមានមោទនភាព ភាពរំភើបរីករាយរបស់ខ្ញុំ ពេលខ្ញុំជូនកាដូគាត់។

ចុងក្រោយពាក្យមួយឃ្លារបស់កូន ធ្វើឲ្យម្ដាយពេញចិត្តបំផុតគឺ "ខ្ញុំស្រលាញ់ម៉ាក់, I Love You, Ma” ដែលជាកាដូ មិនអាចកាត់ថ្លៃបាននៅទិវាមាតាពិភពលោក៕ សូមទស្សនាវីដេអូខ្លីខាងក្រោម៖