ទីបំផុត Minzy អតីតក្រុម 2NE1 ចុះកុងត្រាផលិតកម្មថ្មីជាផ្លូវការ
- 2016-05-16 21:08:41
- ចំនួនមតិ 0 | ចំនួនចែករំលែក 0
ទីបំផុត Minzy អតីតក្រុម 2NE1 ចុះកុងត្រាផលិតកម្មថ្មីជាផ្លូវការ
ចន្លោះមិនឃើញ
អតីតសមាជិកក្រុម 2NE1 នាង Minzy ត្រូវបានគេអះអាងថា នាងបានចុះកុងត្រាជាមួយផលិត The Music Works ជាផ្លូវការហើយ។
ជាច្រើនសប្ដាហ៍កន្លងមកហើយ មានពាក្យចចាមអារ៉ាមថា ក្រោយសម្រេចចាកចេញពីក្រុមដ៏ល្បី 2NE1 នាងប្រហែលជានឹងចុះកុងត្រាជាមួយផលិតថ្មី ប៉ុន្តែភាគីខាងផលិតកម្មថ្មី និង Minzy មិនទាន់បញ្ជាក់ប្រាប់នៅឡើយ។ ផលិតកម្ម The Music Works បានអះអាងនៅថ្ងៃទី ១៦-ឧសភា នេះ ថា Minzy ពិតជាបានចុះកុងត្រាចូលផលិតកម្មពួកគេប្រាកដមែន។
ប្រភពខាងលើនិយាយថា "ក្រុមហ៊ុនរបស់យើងបានសម្រេចចិត្តចុះកុងត្រាផ្ដាច់មុខជាមួយ Minzy ក្រោយពិចារណាអស់រយៈពេលជាយូរ។ នាងជាសិល្បករម្នាក់ មានសក្ដានុពលគ្រប់វិស័យ ដូច្នេះយើងនឹងគាំទ្រសកម្មភាពរបស់នាង។ យើងមិនត្រឹមតែឲ្យតម្លៃខ្ពស់ខាងទេពកោសល្យប៉ុណ្ណោះទេ ថែមទាំងភាពគួរសមរបស់នាងថែមទៀត"។
Minzy បានជួយផ្សព្វផ្សាយ និងលើកស្ទួយអ្នកមានទេពកោសល្យក្នុងផលិតកម្មជាច្រើននាក់ទៀត។ ពេលនេះនាងកំពុងបណ្ដុះបណ្ដាលក្រុមចម្រៀងមួយ ដែលនឹងចូលប្រឡូកក្នុងវិស័យចម្រៀងនៅដើមឆ្នាំក្រោយផងដែរ៕
ចុចអាន៖ 2NE1 ជិតផុតកុងត្រា Minzy ស្វែងរកផលិតកម្មថ្មី
ចុចអាន៖ YG ប្រកាស Minzy ចាកចេញផ្លូវការ ឯ 2NE1 នឹងបន្តដោយសមាជិក៣រូប
ចុចអាន៖ សញ្ញាទាំងឡាយដែលប្រាប់ថា Minzy ចង់ដើរចេញពី 2NE1 តាំងពីយូរមកម្ល៉េះ
ប្រែសម្រួល៖ ឡេង ភារុណ ប្រភព៖ Allkpop
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
