ប្រើតែ Instagram អាចរកចំណូលបានកប់ក្ដោង

2016-05-19 13:15:22
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សមួយចំនួនតូចប្រហែលជាយល់ថាមានតែបណ្ដាញ Facebook ឬ YouTube ទេដែលអាចឲ្យអ្នកប្រើប្រាស់រកចំណូលបាន ប៉ុន្តែតាមពិតសូម្បីតែ Instagram ក៏អាចឲ្យអ្នកប្រើប្រាស់រកចំណូលបានក្រាស់ក្រែលដែរ។ ជាក់ស្ដែងដូចបុគ្គល ៨ រូបខាងក្រោម៖

@ Chiara Ferragni

ជាអ្នកលេង Blog និងជាអ្នកច្នៃម៉ូដសញ្ជាតិអ៊ីតាលីមួយរូប ដោយបច្ចុប្បន្ននេះគណនី Instagram របស់នាងមាន Follower ចំនួន ៥,៩លាន នាក់ និងបន្តកើនឡើងជាលំដាប់។ តាមរយៈ Instagram នេះនាងអាចរកបានប្រហែល ៨លានដុល្លារ ក្នុងមួយឆ្នាំ ដោយបានពីការជួល Post ផ្សព្វផ្សាយផលិតផល។

@ Cara Delevigne

នាង Cara Delevigne ដែលជាតារាម៉ូដែលអង់គ្លេស អាចរកបានប្រមាណ ១សែន ដុល្លារ ពីការផ្សព្វផ្សាយម៉ាកផលិតផលមួយលើក នៅលើគណនី Instagram របស់នាងដែលមាន Follower ចំនួន ២៩,៧លាន នាក់។

@ Liz Eswein

បច្ចុប្បន្នគណនី Instagram របស់ជាងថតរូបស្រី Liz Eswein មាន Follower ចំនួន ១,៣លាននាក់ ដែលអាចធ្វើឲ្យនាងអូសទាញម៉ាកផលិតផលធំៗបាន ដូចជា Puma, Armani និង Samsung ជាដើម។ ក្នុងរយៈពេល ១៨ខែ ដំបូងនៃការប្រឡូកបណ្ដាញសង្គមនេះ នាងអាចរកចំណូលបាន ១លាន ដុល្លារ។

@ Julia Engel

ស្រីស្រស់ដែលជាម្ចាស់គណនី Instagram មាន Follower ចំនួន ៨៩៧ ០០០ នាក់ នេះអាចរកចំណូលប្រចាំឆ្នាំ ៧ខ្ទង់ បានយ៉ាងងាយ ដែលជាកម្រៃទទួលការផ្សព្វផ្សាយផលិតផល។

@ Jane Aldridge

ជាម្ចាស់នៃវិបសាយលក់ផលិតផលមួយ ដែលបច្ចុប្បន្នគណនី Instagram នាងមាន Follower ចំនួន ១៨៦ ០០០ នាក់ ដោយនាងអាចរកបានជាមធ្យម ៥ពាន់ដុល្លារ សម្រាប់ការផ្សាយផលិតផលមួយលើក លើគណនីនាង។ មិនតែប៉ុណ្ណោះនាងគិតកម្រៃ ២ម៉ឺនដុល្លារ លើការបង្ហាញខ្លួន ក្នុងកម្មវិធីឯកជនណាមួយ។

@ Wendy Nguyen

ជានិស្សិតបញ្ចប់ការសិក្សាពីមហាវិទ្យាល័យ UC Berkley សហរដ្ឋអាមេរិក។ នាងមិនត្រឹមតែមានភាពល្បីល្បាញលើបណ្ដាញ Instagram ប៉ុណ្ណោះទេ ប៉ុន្តែថែមទាំងល្បីដល់ Facebook, Twitter និង YouTube ថែមទៀតផង។ ត្បិតថាមិនដែលបង្ហើបពីចំណូលរបស់ខ្លួន ប៉ុន្តែគេប៉ាន់ស្មានថានាងប្រហែលស្ថិតក្នុងចំណោមតារា Instagram ដែលអាចរកបានដល់ ១លានដុល្លារ ក្នុងមួយឆ្នាំ។

@ Andreas Wijk

អ្នកចម្រៀងវ័យក្មេងសញ្ជាតិស៊ុយអែតរូបនេះ ជាបេក្ខភាពបុរសតែមួយគត់ក្នុងបញ្ជីអ្នករកចំណូលបានច្រើនលើ Instagram។ ដោយមាន Follower ចំនួន ១៤៧ ០០០ នាក់ ជួយឲ្យគេរកចំណូលបាន ៥ពាន់-១ម៉ឺនដុល្លារ ក្នុងមួយខែ ពីការផ្សព្វផ្សាយ។

@ Julie Sarinana