លោក អូបាម៉ា ទៅដល់វៀតណាម នឹងពិភាក្សារឿងលក់អាវុធ និងសិទ្ធិមនុស្ស
- 2016-05-23 15:52:18
- ចំនួនមតិ 0 | ចំនួនចែករំលែក 0
លោក អូបាម៉ា ទៅដល់វៀតណាម នឹងពិភាក្សារឿងលក់អាវុធ និងសិទ្ធិមនុស្ស
ចន្លោះមិនឃើញ
ប្រធានាធិបតីសហរដ្ឋអាមេរិក លោក បារ៉ាក់ អូបាម៉ាថ្មីៗនេះបានធ្វើដំណើរទៅដល់ទីក្រុងហាណូយប្រទេសវៀតណាមកាលពីថ្ងៃអាទិត្យម្សិលមិញ ក្នុងដំណើរទស្សនកិច្ចរយៈពេលបីថ្ងៃក្នុងប្រទេសនោះ។
តាមសារព័ត៌មាន BBC នេះជាលើកទីបីហើយ ដែលមេដឹកនាំសហរដ្ឋអាមេរិកកំពុងកាន់តំណែងធ្វើទស្សនកិច្ចនៅប្រទេសនៅអាស៊ីអាគ្នេយ៍មួយនោះ ចាប់តាំងពីសង្គ្រាមវៀតណាមបានបញ្ចប់។
ដំណើរទស្សនកិច្ចរបស់មេដឹកនាំសហរដ្ឋអាមេរិកខាងលើ បានបង្ហាញភាពស្វាគមន៍គ្នាយ៉ាងកក់ក្ដៅរវាងប្រទេសទាំងពីរ ស្របពេលដែល សហរដ្ឋអាមេរិកបង្កើនចំណងមិត្តភាពជាមួយសម្ព័ន្ធមិត្តក្នុងតំបន់ប៉ាស៊ីហ្វិក។ តាមការឲ្យដឹងពីលោក Ben Rhodes អនុប្រធានទីប្រឹក្សាសន្តិសុខជាតិសហរដ្ឋអាមេរិក លោកអូបាម៉ា នឹងជួបពិភាក្សាជាមួយភាគីវៀតណាមទាក់ទិននឹងការលុបចេញនូវការហាមឃាត់លក់អាវុធរបស់អាមេរិកទៅឲ្យប្រទេសនោះ។ តាមមន្ត្រីសេតវិមានអាមេរិកបានឲ្យដឹងបន្ថែមទៀតថា ការលក់អាវុធទៅឲ្យប្រទេសវៀតណាមឡើងវិញនឹងធ្វើឡើង លុះត្រាណាតែប្រទេសមួយនេះមានភាពប្រសើរឡើងផ្នែកសិទ្ធិមនុស្ស។
ក្រោយទស្សនកិច្ចបីថ្ងៃនៅប្រទេសវៀតណាម ប្រធានាធិបតីសហរដ្ឋអាមេរិក បារ៉ាក់ អូបាម៉ា នឹងធ្វើដំណើរទៅកាន់ទីក្រុងហីរ៉ូ ស៊ីម៉ា ប្រទេសជប៉ុននាថ្ងៃសុក្រខាងមុខនេះ៕
ចុចអាន៖ លោកអូបាម៉ានឹងធ្វើទស្សនកិច្ចប្រវត្តិសាស្ត្រនៅទីក្រុងហ៊ីរ៉ូស៊ីម៉ា ប្រទេសជប៉ុន