Victoria Beckham ចូលចិត្តនាំស្វាមីមកលេងអាស៊ី ព្រោះហេតុផលពិសេសមួយ
- 2016-05-23 21:37:24
- ចំនួនមតិ 0 | ចំនួនចែករំលែក 0
Victoria Beckham ចូលចិត្តនាំស្វាមីមកលេងអាស៊ី ព្រោះហេតុផលពិសេសមួយ
ចន្លោះមិនឃើញ
កំពូលអ្នកច្នៃម៉ូដអង់គ្លេស Victoria Beckham បាននិយាយថានាងចូលចិត្តនាំស្វាមីនិងកូនៗមកលេងអាស៊ី ដោយសារនៅទីនោះធ្វើឲ្យនាងមានអារម្មណ៍កាន់តែស្និទ្ធស្នាលជាមួយគ្រួសារ។
ភរិយារបស់អតីតកីឡាករបាល់ទាត់ល្បីឈ្មោះ David Beckham បានផ្ដល់បទសម្ភាសន៍ជាមួយទស្សនាវដ្ដី ELLE Hong Kong កាលពីពេលថ្មីៗនេះ ដោយនិយាយពាក់ព័ន្ធច្រើនពីជីវិតគ្រួសាររបស់នាង។ អ្នកច្នៃម៉ូដវ័យ ៤១ឆ្នាំរូបនេះនិយាយថានាងមានអារម្មណ៍សប្បាយរីករាយគ្រប់ពេលដែលត្រូវមកធ្វើការនៅអាស៊ី ជាពិសេសប្រសិនបើស្វាមីនិងកូនអាចមកជាមួយគ្នាដែរ។ "ពួកយើងចូលចិត្តមកអាស៊ី ដោយសារប្រជាជននៅទីនេះមានមនោសញ្ចេតនាខ្លាំងពិតៗជាមួយក្រុមគ្រួសារ"។ Victoria Beckham និយាយ។
អំពីរឿងកូនៗវិញ អ្នកម្ដាយរបស់កូនប្រុសស្រី៤នាក់ បាននិយាយថានាងមានមោទនភាពណាស់ចំពោះកូនៗទាំងអស់របស់ខ្លួន។ Victoria និយាយថា៖ "អ្នកមិនចាំបាច់មានច្បាប់ជាក់លាក់អ្វីនោះទេដើម្បីចិញ្ចឹមអប់រំកូន ប៉ុន្តែគួរធ្វើអ្វីគ្រប់យ៉ាងដែលអ្នកអាចធ្វើបានសម្រាប់ពួកគេ ហើយខ្ញុំគិតថាកូនរបស់ខ្ញុំកំពុងដើរតាមដំបូន្មានល្អណាស់។ ពួកគេមានសីលធម៌ ឧស្សាហ៍ព្យាយាម និងស្រស់ស្រាយជានិច្ច។ ប៉ុណ្ណឹងគឺគ្រប់គ្រាន់ហើយសម្រាប់ខ្ញុំ" ៕
ប្រែសម្រួល៖ វ៉ាន់ថន ប្រភព៖ lollipop