ព្រះនាងចៀវៃនិងមិត្តប្រុសនឹងរៀបការនៅកោះហាវ៉ៃក្នុងឆ្នាំក្រោយ

2016-05-25 16:03:27
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មានតៃវ៉ាន់បានឲ្យដឹងថាជីវិតគូស្នេហ៍ថ្មីរបស់តារាសម្ដែងស្រី Ruby Lin និងតារាសម្ដែងប្រុស Wallace Huo នឹងបើកទៅទំព័រថ្មីមួយទៀតនៅពេលអ្នកទាំង២ចូលរោងការនៅពេលខាងមុខ។

ព្រឹកថ្ងៃទី ២៣ខែឧសភា បណ្ដាញព័ត៌មានធំតូចរបស់ចិនបានចុះផ្សាយថា តារាសម្ដែងជួរមុខ Ruby Lin និងមិត្តប្រុសរបស់ខ្លួន លោក Wallace Huo បានកំណត់ថ្ងៃមង្គលការរួចហើយ។ តារាសម្ដែងវ័យ ៤០ឆ្នាំនិងសង្សារអាយុប្អូន៤ឆ្នាំនឹងរៀបពិធីអាពាហ៍ពិពាហ៍របស់ខ្លួនក្នុងឆ្នាំ២០១៧នៅកោះហាវ៉ៃសហរដ្ឋអាមេរិក។ ដោយសារតែអ្នកទាំង២សុទ្ធតែជាអ្នកមិនចូលចិត្តភាពលេចធ្លោ ដូចនេះហើយមង្គលការរបស់ពួកគេនឹងប្រព្រឹត្តឡើងយ៉ាងសាមញ្ញបំផុត។

ឆ្លើយតបនឹងព័ត៌មានខាងលើ ភាគីរបស់តួរឿង "ព្រះនាងយេយេ" មិនបានបដិសេធនោះទេ។ "បើសិនជាមានដំណឹងល្អ ពួកយើងនឹងប្រាប់ឲ្យអ្នកទាំងអស់គ្នាបានដឹង។ យ៉ាងណាក៏ដោយ ដោយសារតែសិល្បករទាំង២មិនចូលចិត្តអ្វីដែលធំដុំ ដូច្នេះហើយនឹងគ្មានមង្គលការអស្ចារ្យអ្វីកើតឡើងនោះទេ"។ តំណាងក្រុមហ៊ុនរបស់ Ruby Lin ប្រាប់៕