ម្ចាស់ Page Eva Longoria - France សរសេរសារសុំទោសប្រជាជនខ្មែរ
- 2016-06-01 16:08:13
- ចំនួនមតិ 0 | ចំនួនចែករំលែក 0
ម្ចាស់ Page Eva Longoria - France សរសេរសារសុំទោសប្រជាជនខ្មែរ
ចន្លោះមិនឃើញ
កាលពីម្សិលមិញប្រជាជនកម្ពុជាដែលលេងបណ្ដាញសង្គម Facebookបានមានការភ្ញាក់ផ្អើលយ៉ាងខ្លាំង បន្ទាប់ពីម្ចាស់ Page Eva Longoria - France ដែលជាអ្នកគាំទ្ររបស់តារាហូលីវូដ Eva Longoria បានបង្ហោះរូបតារាស្រីរូបនេះដែលថតនៅប្រាសាទតាព្រហ្ម តែបែរជាសរសេរ Caption ថានៅទីក្រុងបាងកក ប្រទេសថៃទៅវិញ។
ចំពោះការភ័ន្តច្រឡំនេះបានធ្វើឲ្យប្រជាជនខ្មែរជាច្រើនកើតក្ដីក្ដៅចិត្ត និងបានសរសេរជា Comment ពាក្យធ្ងន់ៗតបទៅម្ចាស់ Page ដើម្បីបញ្ជាក់ថារូបនោះថតនោះថតប្រាសាទតាព្រហ្មនៃប្រទេសកម្ពុជា មិនមែនប្រទេសថៃទេ។
ក្រោយពីបានឃើញ Comment ទាំងនោះ កាលពីយប់មិញម្ចាស់ Page Eva Longoria - France ក៏បានសរសេរសារសុំទោសមួយទៅកាន់ប្រជាជនកម្ពុជាទាំងអស់ ដោយសារទាំងមូលបានរ៉ាយរ៉ាប់ថា៖"ខ្ញុំសុំទោសប្រទេសកម្ពុជា នេះគឺជាកំហុសពួកយើងទាំងអស់។ ខ្ញុំក៏បានកែ Caption រួចរាល់ផងដែរហើយខ្ញុំពិតជាសុំទោស។ ហើយការភ័ន្តច្រឡំនេះមិនមានការបង្ខំឲ្យសរសេរឡើយ។ សូមអរគុណ (ហើយក៏សុំទោសភាសាអង់គ្លេសរបស់ខ្ញុំមិនល្អទេ)។
បើតាមការឆ្លើយឆ្លងក្នុង Comment ម្ចាស់ Page Eva Longoria - France ក៏បានបញ្ជាក់ផងដែរថា ខ្លួនមិនមែនជាសមីខ្លួន Eva Longoria ទេគ្រាន់តែជាអ្នកគាំទ្រប៉ុណ្ណោះ។ គួរបញ្ជាក់ថាក្រោយការបង្ហោះ Status ខុសខាងលើនេះ Page អ្នកគាំទ្រមួយនេះកើនចំនួន Like ពីក្រោមមួយពាន់ដល់ជាងមួយម៉ឺន Like ក្នុងរយៈពេលតែមួយថ្ងៃ ៕
ចុចអាន៖តារាហូលីវូដ Eva Longoria មកក្រេបទឹកឃ្មុំនៅកម្ពុជា ស្រាប់តែមានរឿងភ័ន្តច្រឡំ
ប្រែសម្រួល៖ ហេង សុធារិទ្ធិ ប្រភព៖ Page Eva Longoria - France facebook