យន្តហោះយោធាវៀតណាមបាត់ខ្លួន ពេលស្វែងរកយន្តហោះបាត់ខ្លួនមួយគ្រឿងទៀត
- 2016-06-17 16:50:59
- ចំនួនមតិ 0 | ចំនួនចែករំលែក 0
យន្តហោះយោធាវៀតណាមបាត់ខ្លួន ពេលស្វែងរកយន្តហោះបាត់ខ្លួនមួយគ្រឿងទៀត
ចន្លោះមិនឃើញ
តាមការចុះផ្សាយរបស់ សារព័ត៌មាន Thanhnien News យន្តហោះយោធាមួយគ្រឿងរបស់វៀតណាមបានបាត់ខ្លួនកាលពីថ្ងៃព្រហស្បតិ៍ម្សិលមិញ បន្ទាប់ពីធ្វើប្រតិបត្តិការស្វែងរកយន្តហោះយោធាមួយទៀតដែលបានបាត់ដំណឹងសូន្យឈឹង រំលងគ្នាកាលពីបីថ្ងៃមុន។
តាមការឲ្យដឹងពីមន្ត្រីយោធាវៀតណាម យន្តហោះធុន CASA C212 មានដឹកមនុស្សចំនួន៩នាក់ បានបាត់សញ្ញាពីរ៉ាដានៅភាគខាងជើងនៃ ខេត្ត Hai Phong នាថ្ងៃរសៀលម៉ោងក្នុងប្រទេស។
យន្តហោះខាងលើ បានចូលរួមប្រតិបត្តិការជាមួយមនុស្សជាច្រើនពាន់នាក់ ដើម្បីស្វែងរក យន្តហោះយោធាធុន Sukhoi SU-30 MK2 ដែលបានបាត់ខ្លួន កាលពីអង្គារកន្លងទៅនៅតាមបណ្ដោយឆ្នេរសមុទ្រ ភាគកណ្ដាលរបស់ប្រទេស ដែលក្នុងនោះមានអ្នកបើកយន្តហោះពីរនាក់។
យ៉ាងណាក្ដី អ្នកបើកបរក្នុងយន្តហោះ Sukhoi SU-30 MK2 ម្នាក់ត្រូវគេប្រទះឃើញនៅក្នុងសមុទ្រនិងជួយសង្គ្រោះជីវិតបានហើយកាលពីថ្ងៃពុធ។ ចំណែក កងទ័ពជើងអាកាស ឆ្មាំសមុទ្រ រួមទាំងអ្នកនេសាទ និងក្រុមសង្គ្រោះជាច្រើន មកទល់ពេលនេះកំពុងស្វែងរកយន្តហោះទាំងពីរគ្រឿង និងអ្នកបាត់ខ្លួនផ្សេងៗទៀត៕
ចុចអាន៖ ហ្វេសបុកគំរាមប្ដឹងភោជនីយដ្ឋានមួយនៅវៀតណាម
ប្រែសម្រួល៖ មាន រតនា ប្រភព៖ thanhniennews, tuoitrenews