តំបន់ទេសចរណ៍ក្នុងស្រុក ៧ កន្លែង តារាខ្មែរចូលចិត្តលំហែកាយបំផុតពេលទំនេរ!

2014-10-31 16:53:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មានរមណីយដ្ឋានក្នុងស្រុក ៧ កន្លែង តារាខ្មែរចូលចិត្តលំហែកាយបំផុតពេលសម្រាកពីការងារ ឬក្នុងពិធីបុណ្យទានអ្វីមួយ។

ក្នុងចំណោមតំបន់ទេសចរណ៍ ដ៏ទាក់ទាញទាំង ៧ កន្លែង មានតំបន់ទេសចរខ្លះតារាខ្មែរចូលចិត្តលំហែកាយជាលក្ខណៈគ្រួសារ ឬមិត្តភ័ក្ដិ ហើយរមណីយដ្ឋានទេសចរខ្លះទៀតជាកន្លែងលក្ខណៈគូសង្សាររបស់តារាខ្មែរ។

១ ខេត្ត ព្រះសីហនុ ជាតំបន់ទេសចរណ៍មួយដែលតារាខ្មែរចូលចិត្តទៅលំហែកាយ ដោយសារតែកន្លែងនេះមានទឹកសមុទ្រដ៏ស្រស់ស្អាត ហើយនឹងភាពទាក់ទាញដទៃទៀត។ ពួកគេច្រើនទៅព្រះសីហនុជាលក្ខណៈក្រុមគ្រួសារ និង មិត្តភ័ក្ដិ។

២ ខេត្ត សៀមរាប ក៏ជាតំបន់ទេសចរណ៍ឈានដែលសិល្បករ សិល្បការិនីខ្មែរចូលចិត្តលំហែកាយផងដែរនៅពេលសម្រាកពីការងារ ឬក្នុងពិធីបុណ្យទានអ្វីមួយ។

ក្រៅតែពីប្រាសាទបុរាណ និងតំបន់ទឹកធ្លាក់ Pub Street ជាកន្លែងតារាខ្មែរចូលចិត្តដើរកម្សាន្ត។ តារាខ្មែរចូលចិត្តទៅទីនេះ ជាលក្ខណៈក្រុមគ្រួសារ មិត្តភ័ក្ដិ និង គូសង្សារ។

៣ ខេត្ត មណ្ឌលគិរី តារាខ្មែរចូលចិត្តលំហែកាយខេត្តមួយនេះដោយសារតែមានសម្រស់ធម្មជាតិស្រស់ស្អាត តំបន់ទឹកធ្លាក់ដ៏ទាក់ទាញ។ សិល្បករ សិល្បការិនីចូលចិត្តទស្សនាខេត្ត មណ្ឌលគិរីភាគច្រើនជាលក្ខណៈគ្រួសារ និង គូសង្សារ។

៤ ខេត្ត កោះកុង តំបន់ទេសចរណ៍ តាតៃ ជាកន្លែងដ៏ល្អដែលសិល្បករ សិល្បការិនីខ្មែរទៅទស្សនា ឬសម្រាកលំហែកាយ ជាលក្ខណៈគូសង្សារ និងក្រុមគ្រួសារ ព្រោះទីនេះមានសម្រស់ធម្មជាតិគួរឱ្យទាក់ទាញ។

៥ ភ្នំបូកគោ ក៏ជាកន្លែងទេសចរមួយសិល្បករ សិល្បការិនីចូលចិត្តសម្រាកលំហែកាយផងដែរ ពេលចុងសប្ដាហ៍ ឬមានកម្មវិធីបុណ្យអ្វីមួយ។ ពួកគេទៅទីកន្លែងនេះភាគច្រើនជាលក្ខណៈមិត្តភ័ក្ដិ ក្រុមគ្រួសារ និងគូសង្សារ។

៦ ខេត្ត រតនៈគិរី ក៏ជាកន្លែងទេសចរណ៍ទាក់ទាញមួយដែរសម្រាប់តារាខ្មែរ។ ភាគច្រើនតារាខ្មែរទៅខេត្តភាគឦសានមួយនេះ មិនខុសពីទៅ មណ្ឌលគិរីទេ ដើម្បីទស្សនាសម្រាស់ធម្មជាតិ ការរស់នៅរបស់ជនជាតិភាគតិចខ្មែរ និងទឹកធ្លាក់ជាដើម។ ពួកគេច្រើនសម្រាកដំណើរកម្សាន្តជាលក្ខណៈក្រុមគ្រួសារ មិត្តភ័ក្ដិ។

៧ កោះទន្សាយ ស្ថិតក្នុងខេត្ត កែប ជាតំបន់ទេសចរណ៍មួយតារាខ្មែរចូលចិត្តទៅសម្រាកលំហែកាយ មិនចាញ់តំបន់ទេសចរខាងលើប៉ុន្មានទេ។ សិល្បករ សិល្បការិនីចូលចិត្តទៅទស្សនាកោះនេះភាគច្រើនជាលក្ខណៈគូសង្សារ ព្រោះជាកន្លែងស្ងប់ស្ងាត់ និងមានទេសភាពទាក់ទាញ៕