គូស្នេហ៍ចៀវៃនឹងមានពិធីមង្គលការ២ដូចតួរឿង "ទេពឥន្ទ្រីបក្សីស្នេហ៍" ដែរ

2016-07-26 17:38:37
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ២ខែសីហានេះ គូស្នេហ៍តារាសម្ដែងតៃវ៉ាន់ Wallace Hou និង Ruby Lin នឹងធ្វើកម្មវិធីកាត់ចំណងដៃរបស់ខ្លួននៅទីក្រុងតៃប៉ិ ស្រុកកំណើតរបស់កូនក្រមុំ។

ថ្មីៗនេះ បណ្ដាញព័ត៌មាន 163 បានឲ្យដឹងថា ក្រោយពិធីមង្គលការនៅកោះបាលីនៅថ្ងៃទី ៣១ខែកក្កដាខាងមុខនេះ គូស្នេហ៍តារាសម្ដែងល្បីឈ្មោះ Ruby Lin និង Wallace Huo នឹងប្រារព្ធពិធីកាត់ចំណងដៃនៅទីក្រុងតៃប៉ិដែលជាស្រុកកំណើតរបស់តួរឿង "ព្រះនាងយេយេ"។ កម្មវិធីនេះនឹងត្រូវធ្វើឡើងនៅសណ្ឋាគារ Palais de Chine Hotel ក្រោមការចូលរួមរបស់គ្រួសារទាំងសងខាងនិងភ្ញៀវកិត្តិយសទាំងឡាយដែលគ្មានឱកាសបានចូលរួមនៅលើកោះបាលី។

ទីតាំងប្រព្រឹត្តពិធីមង្គលការរបស់ Ruby Ling និង Wallace Huo នៅតៃវ៉ាន់

ប្រភពដដែលក៏បានទម្លាយដែរថា ពិធីមង្គលការនេះនឹងមានចំនួន៣០តុ តុនីមួយៗមានតម្លៃ ២៨៨០០ ដុល្លារតៃវ៉ាន់ (៩០០ដុល្លារអាមេរិក)។ គូស្នេហ៍ល្បីឈ្មោះនេះបានបដិសេធរាល់សំណូមពរឧបត្ថម្ភនានាហើយថែមទាំងមិនទទួលលុយចងដៃទៀតផង។ ជាមួយគ្នានេះដែរ ល្ងាចថ្ងៃទី ២៥ខែកក្កដា បណ្ដាញព័ត៌មាន Apple ក៏បានចុះផ្សាយរូបភាពចៀវៃទៅលឈុតមង្គលការនៅហាង Shiatzy Chen ដែលជាហាងដែលតួរឿង "ទេពឥន្ទ្រីបក្សីស្នេហ៍" Michelle Chen ជឿទុកចិត្តក្នុងមង្គលការរបស់ខ្លួនមុននេះ៕