iPhone និងគ្រឿងអេឡិចត្រូនិកភាគច្រើន បំពាក់បច្ចេកវិទ្យាសិនស័រ Bosch
- 2016-07-27 16:27:00
- ចំនួនមតិ 0 | ចំនួនចែករំលែក 0
iPhone និងគ្រឿងអេឡិចត្រូនិកភាគច្រើន បំពាក់បច្ចេកវិទ្យាសិនស័រ Bosch
ចន្លោះមិនឃើញ
iPhone និងស្ទើរគ្រប់គ្រឿងអេឡិចត្រូនិក ទូទាំងពិភពលោក សុទ្ធតែបានបំពាក់បច្ចេកវិទ្យារបស់ក្រុមហ៊ុនបច្ចេកវិទ្យានាំមុខរបស់អាល្លឺម៉ង់ Bosch។
លោក Andre De Jong អគ្គនាយកក្រុមហ៊ុន Bosch ប្រចាំកម្ពុជាបានឲ្យដឹងថា បច្ចេកវិទ្យាសិនស័ររបស់ Bosch នឹងធ្វើឲ្យ iPhone និងរាល់គ្រឿងអេឡិចត្រូនិកទាំងអស់ រឹតតែទំនើបនិងដំណើរការកាន់តែរលូន។
អគ្គនាយករូបនេះពុំបានបញ្ជាក់ពីឈ្មោះបច្ចេកវិទ្យាសិនស័រណាមួយប្រាកដទេ គ្រាន់តែថា រាល់សិនស័រផលិតដោយ Bosch អាចឲ្យក្រុមហ៊ុនផលិតស្មាតហ្វូនជុំវិញពិភពលោកយកទៅកែប្រែ (Customize) មុខងារឲ្យតាមការចង់បាន គ្មានបញ្ហា។
លោក Andre De Jong អគ្គនាយកក្រុមហ៊ុន Bosch ប្រចាំកម្ពុជា
ឧទាហរណ៍ ស្មាតហ្វូនឬ Smartwatch បំពាក់សិនស័រ Bosch នោះអាចត្រូវ Customize ដើម្បីឲ្យក្លាយទៅជាសិនស័រសម្រាប់គោលបំណងផ្សេងៗ។ សិនស័រខ្លះប្រើសម្រាប់តាមដានសុខភាព ដោយការចាប់រាល់ចលនាហាត់ប្រាណ (រត់ ដើរ) ប្រាប់ចំនួនម៉ោងដែលអ្នកបានគេង និងទិន្នន័យផ្សេងទៀត។
ចំពោះសិនស័រ Bosch បំពាក់លើរថយន្តស៊េរីទំនើបៗភាគច្រើនបច្ចុប្បន្ន សំដៅលើប្រព័ន្ធហ្វ្រាំង ABS។ ប្រព័ន្ធហ្វ្រាំងនេះបំពាក់សិនស័រឆ្លាតវៃ អាចចាប់ហ្វ្រាំងរថយន្តបានទាន់ពេលវេលា ដោយស្វ័យប្រវត្តិ និងជួយទើបលំនឹងរថយន្តមិនឲ្យរ៉េចុះឡើងនាំក្រឡាប់។
លោក De Jong បន្ថែមថា បច្ចុប្បន្ន Bosch កំពុងតែស្រាវជ្រាវនិងធ្វើតេស្តលើបច្ចេកវិទ្យាថ្មីៗបំពាក់លើគ្រឿងអេឡិចត្រូនិកនិងរថយន្ត ឲ្យកាន់តែទំនើបនិងផ្តល់សុវត្ថិភាពខ្ពស់បំផុតដល់អ្នកប្រើប្រាស់ពេលអនាគត។
លោកអះអាងថា បច្ចេកវិទ្យារបស់ Bosch កំពុងតែទទួលការគាំទ្រជាខ្លាំងដល់ទៅ ២៧ភាគរយ នៅទីផ្សារអាស៊ីប៉ាស៊ីហ្វិករួមទាំងកម្ពុជា បន្ទាប់ពីទីផ្សារនៅតំបន់អ៊ឺរ៉ុប (៥៣ភាគរយ) ។
បច្ចេកវិទ្យារបស់ Bosch បែងចែកជាបីធំៗ Industrial Technology, Consumer Goods និង Energy and Building Solution។ Bosch មានក្រុមហ៊ុនបទសម្ព័ន្ធដល់ទៅ ៤៤០ ជុំវិញពិភពលោក ដើម្បីចូលរួមសហការផលិតឧបករណ៍អេឡិចត្រូនិកប្រើបច្ចេកវិទ្យា Bosch៕
អត្ថបទ៖ ប៉ែត ផាន់និត