ម៉ូតូកម្រផលិតត្រឹម ១០០ គ្រឿង តម្លៃចាប់ពី ៣៧ម៉ឺន ដុល្លារ
- 2016-08-15 17:09:15
- ចំនួនមតិ 0 | ចំនួនចែករំលែក 0
ម៉ូតូកម្រផលិតត្រឹម ១០០ គ្រឿង តម្លៃចាប់ពី ៣៧ម៉ឺន ដុល្លារ
ចន្លោះមិនឃើញ
Lotus Cars ដែលជាក្រុមហ៊ុនយានយន្តរបស់ចក្រភពអង់គ្លេស បានប្រកាសពីការដាក់លក់ម៉ូតូមួយម៉ូដែលដ៏កម្រ ផលិតត្រឹមតែ ១០០ គ្រឿង ដោយមានតម្លៃចាប់ ៣៧០ ០០០-៤៥០ ០០០ ដុល្លារ។
ម៉ូតូដ៏កម្រនេះមានម៉ូដែល C-01 ដែលរចនារូបរាងឡើងដោយលោក Daniel Simon វិស្វករដែលធ្វើការឲ្យក្រុមហ៊ុន Bugatti ហើយម៉ូតូនេះផលិតឡើងដោយក្រុមហ៊ុន Kodewa ដែលស្ថិតក្រោមការត្រួតពិនិត្យរបស់ Lotus Cars។
រូបរាងគំរូនៃម៉ូតូនេះធ្លាប់បង្ហាញវត្តមានកាលពីឆ្នាំ ២០១៣ កន្លងទៅ ហើយក្រុមហ៊ុន Lotus Cars ទើបសម្រេចចិត្តផលិតរថយន្តនេះលក់លើទីផ្សារ ដោយផលិតត្រឹម ១០០ គ្រឿង។ ម៉ូតូនេះផលិតឡើងពីសារធាតុសរសៃកាបូនមានទម្ងន់ស្រាល និង សារធាតុទីតាញ៉ូមដែលមានភាពរឹងមាំខ្លាំង។
Lotus C-01 មានបំពាក់ដោយម៉ាស៊ីនកម្លាំង ១៧៥ សេះ និង ១ ១៩៥ សេសេ របស់ក្រុមហ៊ុន KTM រួមជាមួយចង្កឹះលេខ ៦ វគ្គ ហើយមានយ៉ាន់ទាំងគូផលិតពីសរសៃកាបូន។ ម៉ូតូទាំង ១០០ គ្រឿងដែលផលិតឡើង នឹងមានលក់តែនៅអាមេរិកខាងជើងប៉ុណ្ណោះ៕
ចុចអាន៖ ម៉ូដមួកម៉ូតូ Cafe ដ៏ពេញនិយម សម្រស់ទាក់ទាញមួយបែប
ប្រែសម្រួល៖ ហៃ សុខហេង ប្រភព៖ CarScoops