Sofia Richie ប្រាប់ថាខ្លួន និង Justin Bieber មានទំនាក់ទំនងពិសេស

2016-09-09 15:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែលវ័យក្មេងបានបង្ហើបពីចំណងស្នេហាខ្លួន និងតារាចម្រៀងល្បីឈ្មោះ Justin Bieber នាពេលថ្មីៗនេះ។

នៅក្នុងជំនួបជាមួយទស្សនាវដ្ដី Billboard នាពេលថ្មីៗនេះ តារាបង្ហាញម៉ូដជើងថ្មី Sofia Richie បានបើកចិត្តចែករំលែកពីរឿងស្នេហារបស់ខ្លួន និងតារាចម្រៀងសម្បូររឿងអាស្រូវ Justin Bieber។ "រវាងពួកយើងគឺមានទំនាក់ទំនងពិសេសមួយ។ Justin គឺជាមនុស្សដែលងាយនិយាយគ្នា ហើយមនុស្សដូចគេគឺពិបាករកខ្លាំងណាស់នៅទីក្រុង Los Angeles នេះ"។ កូនស្រីរបស់តារាចម្រៀង Lionel Richie និយាយ។

ជាមួយគ្នានេះដែរ ម្ចាស់បទ "Sorry” ក៏បានចេញមុខការពារមិត្តស្រីថ្មីរបស់ខ្លួនផងដែរ នៅពេលនាងក្លាយគោលដៅវាយប្រហាររបស់អ្នកគាំទ្រខ្លួន។ តារាចម្រៀងអាយុ២២ឆ្នាំ បានព្រមានទៅកាន់អ្នកគាំទ្រថា ខ្លួននឹងលុបគណនី Instagram ចោលបើសិនជាពួកគេនៅតែរិះគន់ Sofia តទៀត។ គួរឲ្យសោកស្ដាយ ដោយសារតែក្រុមអ្នកគាំទ្រនេះមិនព្រមបញ្ឃប់ទង្វើរបស់ខ្លួនបានធ្វើឲ្យតារាកើតឆ្នាំ១៩៩៤ សម្រេចលុបគណនីដែលមានអ្នក Follow រាប់លាននាក់នេះចោល៕