ប្រិយមិត្ត​ជា​ច្រើន​ប្រហែល​ដឹង​ហើយ​ថា​ ​iPhone 7/ 7Plus​ ​មិន​មាន​ប៊ូតុង​ ​Home​ ​ដែល​ជា​បច្ចេកវិទ្យា​ដែល​ ​Apple​ ​តែង​បំពាក់​លើ​ ​iPhone​ ​គ្រប់​ម៉ូដែល។

មូលហេតុ​នៃ​ការ​ដក​ប៊ូតុង​ ​Home​ ​សម្រាប់​ ​iPhone 7/ 7Plus​ ​ដោយ​សារ​ស្មាតហ្វូន​ម៉ូដែល​នេះ​ត្រូវ​បំពាក់​ជំនួស​មក​វិញ​នូវ​បច្ចេកវិទ្យា​ ​Taptic Engine​ ​ដែល​អ្នក​ប្រើប្រាស់​គ្រាន់​តែ​ប៉ះ​ថើៗ​លើ​បន្ទះ​រាង​ដូច​ប៊ូតុង។ សម្រាប់​បច្ចេកវិទ្យា​ ​Taptic Engine​ ​គឺ​មាន​ដំណើរ​ការ​លឿន​ជាង​ប៊ូតុង​ ​Home​ ​ធម្មតា​ ​ហើយ​អាច​កំណត់​ឲ្យ​ដំណើរ​ការ​ជា​ច្រើន​ទម្រង់​ផ្សេងៗ​គ្នា។

ផ្ទុយ​ទៅ​វិញ​សម្រាប់​បច្ចេកវិទ្យា​ថ្មី​នេះ​អ្នក​ប្រើប្រាស់​សាកល្បង​មួយ​ចំនួន​រិះគន់​ថា​ ​មិន​ពេញ​ចិត្ត​ព្រោះ​ការ​ចុច​ប៊ូតុង​សម្រាប់​ ​iPhone​ ​គឺ​ជា​អារម្មណ៍​ពិសេស​ម្យ៉ាង​ដែល​ ​Apple​ ​ផ្ដល់​ឲ្យ​ពិភពលោក​ ​ហើយ​ការ​មិន​បាន​ចុច​ប៊ូតុង​ ​Home​ ​ប្រៀប​មិន​បាន​ប្រើ​ ​iPhone៕

អាន​បន្ត​ ​៖​ ឃើញ​រូប​ទាំង​នេះ​ ​អ្នក​កាន់​តែ​ចង់​ប្រើ​ ​iPhone 7/ 7Plus

ប្រែ​សម្រួល​ ​៖​ ​រដ្ឋ​ ប្រភព​ ​៖​ ​phonearena​