តួរឿង "ហង្សបង្ក្រាបនាគ" ចងស្បោងនីឡុងសម្លាប់ខ្លួនក្នុងវ័យ២៨ឆ្នាំ

2016-09-19 16:26:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែសម្ពាធការងារក៏ដូចជាជំងឺបាក់ទឹកចិត្ត តារាសម្ដែងល្បីឈ្មោះចិន Qiao Renliang បានសម្លាប់ខ្លួននៅពេលមានវ័យទើបតែ២៨ឆ្នាំ។

យប់ថ្ងៃទី១៦ខែកញ្ញាកន្លងទៅនេះប៉ូលិសទីក្រុងសៀងហៃបានប្រកាសថាពួកគេបានរកឃើញសាកសពតារាសម្ដែងប្រុស Qiao Renliang នៅគេហដ្ឋានរបស់លោក។ តាមការវិនិច្ឆ័យបឋម តួរឿង "ហង្សបង្ក្រាបនាគ" បានសម្លាប់ខ្លួនឯង។ បណ្ដាញព័ត៌មាន Xinhua បានឲ្យដឹងថា ប្រុសស្អាតវ័យ២៨ឆ្នាំបានចងស្បោងនីឡុងគ្របក្បាលរហូតដល់ដាច់ដង្ហើម។ អ្នកដែលឃើញហេតុការណ៍នេះមុនគេគឺមិត្តស្រីរបស់លោក។ Qiao Renliang បានកើតជំងឺបាក់ទឹកចិត្តតាំងពីឆ្នាំ២០១៣ មកម្ល៉េះដោយមានព័ត៌មានលេចឮថាលោកត្រូវអ្នកដឹកនាំរឿងម្នាក់ចាប់រំលោភ។ រាល់ថ្ងៃតារាប្រុសកើតឆ្នាំ ១៩៨៧តែងត្រូវលេបថ្នាំងងុយដេកជាច្រើនទើបគេងលក់។ ដោយសារតែជាតារាលំដាប់ជួរមុខ មរណភាពរបស់ Renliang បានធ្វើឲ្យវិស័យសិល្បៈចិនកក្រើកយ៉ាងខ្លាំង។ តារាល្បីឈ្មោះចិនរួមមាន Fan Bingbing, Li Chen, Huang Xiaoming និង Liu Yifei សុទ្ធតែបានផ្ញើសារចែករំលែកទុក្ខដល់គ្រួសារសព។

ដោយសារតែ Qiao Renliang ជាកូនទោលនៅក្នុងគ្រួសារ មរណភាពរបស់លោកបានធ្វើឲ្យឪពុកម្ដាយទប់អារម្មណ៍មិនបានបណ្ដាលឲ្យមានអាការៈខុសប្រក្រតី។ Qiao Renliang ចាប់ផ្ដើមល្បីឈ្មោះនៅពេលសម្ដែងក្នុងរឿង "The Glamorous Imperial Concubine” ជាមួយ Ruby lin និងថ្មីនេះបំផុតលោកបានសហការគ្នាជាមួយ Liu Yifei ក្នុងរឿង "Never Gone”៕