ដឹងទេ រាប់បាត្រត្រូវដាក់ពីខាងណាមកមុន?

2016-09-21 16:15:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នារដូវបុណ្យភ្ជុំបិណ្ឌ បងប្អូនខ្មែរគ្រប់រូបដែលកាន់ពុទ្ធសាសនា តែងយកចង្ហាន់ទៅវត្តប្រគេនព្រះសង្ឃ។ ពេលចូលទៅដល់វត្ត អ្វីដែលពុទ្ធបរិស័ទត្រូវធ្វើមុនគេនោះគឺតែងយកបាយទៅរាប់បាត្រ តែពេលខ្លះពុំដឹងថារាប់ពីខាងណាទៅ?

ព្រះតេជគុណ មាំ វិបុល

ដើម្បីជាការស្រាយចម្ងល់នោះ ព្រះតេជគុណ មាំ វិបុល គង់នៅកុដិលេខ២៧ វត្តបទុមវតីរាជវរារាម ឬវត្តបទុម បានមានសង្ឃដីកាថា គឺដាក់បាយរាប់បាត្រពីខាងស្តាំទៅឆ្វេង មានន័យថារាប់ចាប់ពីបាត្រទី១ដែលគេសន្មតថានៅខាងលើ។

ព្រះតេជគុណដែលមានស្រុកកំណើតនៅទឹកដីខេត្តត្បូងឃ្មុំខាងលើ បានបន្ថែមថា មានមូលហេតុសំខាន់ពីរនៃការដាក់បាយបាត្រ។ ទីមួយ គឺដើម្បីជាចង្ហាន់ដល់ព្រះសង្ឃផង និងដើម្បីឲ្យព្រះសង្ឃឧទ្ទិសកុសលមគ្គផលដល់បុព្វការីជន មានមាតា បិតា ជីដូនជីតា ញាតិការទាំង៧សន្តាន ដែលបានចែកឋានទៅកាន់លោកខាងមុខ។

មូលហេតុទីពីរគឺ មានធ្វើឲ្យពុទ្ធសាសនិកមានចិត្តសប្បាយ ជ្រះថ្លា ឧទ្ទិស រាប់បាត្រប្រគេនព្រះសង្ឃ។ ក្រោយពេលពុទ្ធបរិស័ទរាប់បាត្ររួច គេយកបាយនោះទៅប្រគេនព្រះសង្ឃផ្ទាល់តែម្ដង។ពេលនៅសល់ទើបគេចែកទានទៅដល់លោកតា លោកយាយដែលចូលរួមក្នុងពិធីបុណ្យពិសា ឬចែកដល់អ្នកក្រខ្សត់ជាដើម។

ក្រៅពីការដាក់បាយបាត្រ គេតែងសង្កេតឃើញមាន ចានដែកដាក់បាយម្ហូបសម្លនៅសល់ពីការរាប់បាត្រ ដោយពុទ្ធបរិស័ទតែងជីពបាយសល់នឹងដៃទៅដាក់។ ចំពោះបាយសម្លទាំងនោះ ព្រះតេជគុណ មាំ វិបុលមានសង្ឃដីកាថា គឺជាបាយម្ហូបសំណែន ដែលគេយកទៅសែន អារក្សអ្នកតាព្រៃភ្នំ ឬយកទៅឲ្យពួកប្រេតទាំងឡាយណា ដែលមិនអាចទទួលទានតាមរយៈការឧទ្ទិសកុសលបាន ឬយកទៅឲ្យសត្វ ឆ្កែ ឆ្មានៅក្នុងវត្ត៕

អត្ថបទ៖ មាន រតនា

ពាក្យទាក់ទង

អបអរពិធីបុណ្យភ្ជុំបិណ្ឌជាមួយខ្នរ បុណ្យភ្ជុំបិណ្ឌ២០១៦

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

អត្ថបទថ្មី

BMW R 1250 GS Adventure ក្លាយជាម៉ូតូបែបផ្សងព្រេង ដ៏ពេញនិយមបំផុត!

យល់ដឹងពីប្រព័ន្ធប៉ុងរថយន្ត ដែលមានដូចជា ប៉ុង១ ប៉ុង២ និង 4x4

Ford Ranger ទទួលចំណាត់ថ្នាក់ផ្កាយ ៥ ជារថយន្តមានសុវត្ថិភាពបំផុត!

និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ

ការពិតទាំង 10 យ៉ាងពីភីកអាប់អគ្គិសនី Tesla Cybertruck