មើលទាំងអស់គ្នា តារាណាខ្លះ បញ្ចប់បរិញ្ញាបត្រ ត្រូវនឹងជំនាញសិល្បៈ?

2014-09-19 21:36:49
ចំនួនមតិ 0 | ចំនួនចែករំលែក 0

ចន្លោះមិនឃើញ

សិល្បករ សិល្បការិនីជាច្រើនដួង បានបញ្ចប់ថ្នាក់ថ្នាក់បរិញ្ញាបត្រ ឬ អនុបណ្ឌិតពីសាកលវិទ្យាល័យក្នុង និង ក្រៅប្រទេស។ មានសិល្បករខ្លះបញ្ចប់ ដោយត្រូវនឹងជំនាញរបស់ខ្លួន ហើយក៏មានសិល្បករជាច្រើនទៀតមិនត្រូវជំនាញបច្ចុប្បន្នរបស់ខ្លួនដែរ។

អានអត្ថបទ៖ អានហើយពិតជាគួរឱ្យចង់សើច! ឈ្មោះដើម និង ឈ្មោះក្នុងសិល្បៈតារាល្បីៗ

ប្រិយមិត្ត និងមិត្តៗយុវវ័យដឹងទេថាមានតារារូបណាខ្លះទេ រៀនចប់បរិញ្ញាបត្រហើយត្រូវនឹងជំនាញរបស់ខ្លួន។ ខាងក្រោម គឺជា ឈ្មោះសិល្បករ សិល្បការិនី បានរៀនចប់បរិញ្ញាបត្រ៖

១ កញ្ញា តេង លក្ខិណា បានបញ្ចប់ថ្នាក់បរិញ្ញាបត្រផ្នែកគ្រប់គ្រងសណ្ឋាគារ និង ទេសចរណ៍ ពីសាកលវិទ្យាល័យជាតិគ្រប់គ្រង។ បច្ចុប្បន្ននាងជាតារាចម្រៀងក្នុងផលិតកម្ម M ក្រោយពីឈប់ធ្វើជាពិធីការិនីនៅស្ថានីយទូរទស្សន៍ MYTV។

២ លោក អ៊ុន សិទ្ធា បានបញ្ចប់ថ្នាក់បរិញ្ញាបត្រផ្នែក វិចិត្រកម្ម (គំនូរ) ពីសាកលវិទ្យាល័យ ភូមិន្ទវិចិត្រសិល្បៈ។ បច្ចុប្បន្នលោកជាតារាសម្ដែងឈានមុខម្នាក់ក្នុងប្រទេស កម្ពុជា។

អានអត្ថបទ៖ ស្នាមញញឹមតារាល្បីៗ ក្នុងថ្ងៃបើកសម្ពោធ ETV ល្ងាចមិញ

៣ កញ្ញា ដួង ហ្សូរីដា បានបញ្ចប់ថ្នាក់បរិញ្ញាបត្រផ្នែកគណនេយ្យ ពីសាកលវិទ្យាល័យ ជាតិគ្រប់គ្រង ហើយបានបញ្ចប់ថ្នាក់អនុបណ្ឌិតផ្នែកគ្រប់គ្រងទូទៅពីសាកលវិទ្យាល័យ បៀលប្រាយ។ បច្ចុប្បន្ននាងជាពិធីការិនី និងជាប្រធានក្រុមតារាបង្ហាញម៉ូដ Cambodia Super Model។

៤ លោក លឹម ជាឡាយ បានបញ្ចប់ថ្នាក់បរិញ្ញាបត្រផ្នែក ហិរញ្ញវត្ថុ និងធនាគារពីសាកលវិទ្យាល័យ ភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច។ បច្ចុប្បន្នលោកជាតារាសម្ដែងល្បីឈ្មោះម្នាក់ក្នុងចំណោមតារាប្រុសនានាក្នុងប្រទេស កម្ពុជា។

អានអត្ថបទ៖ បញ្ជីឈ្មោះតារាស្រីស្ថិតក្នុងក្រសែភ្នែកអ្នកសារព័ត៌មាន!

៥ កញ្ញា សុខ ពិសី បានបញ្ចប់ថ្នាក់បរិញ្ញាបត្រផ្នែក អក្សរសាស្ត្រអង់គ្លេសពី វិទ្យាស្ថានភាសាបរទេស (IFL)។ បច្ចុប្បន្ននាងជាតារាចម្រៀងឈានមុខក្នុងផលិតកម្ម សាន់ដេ។

៦ លោក ជា សុវណ្ណានរាហ៍ បានបញ្ចប់បរិញ្ញាបត្រពីរក្នុងពេលតែមួយ គឺ ផ្នែកច្បាប់ពីសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងមួយទៀតផ្នែក គ្រប់គ្រង ពីសាកលវិទ្យាល័យ ជាតិគ្រប់គ្រង។ បច្ចុប្បន្នលោកជាតារាសម្ដែង និងជាពិធីករប្រចាំទូរទស្សន៍ MYTV។

អានអត្ថបទ៖ កុំហួសចិត្តអី ៧០ លានដុល្លារថតរឿង “មហាអាណាចក្រខ្មែរ” បាត់ស្រមោលពីកម្ពុជាហើយ!

៧ អ្នកនាង ឈិត សុជាតា បានបញ្ចប់បរិញ្ញាបត្រផ្នែក គ្រប់គ្រងសណ្ឋាគារ និងទេសចរណ៍ពីសាកលវិទ្យាល័យ ជាតិគ្រប់គ្រង។ បច្ចុប្បន្ននាងជាពិធីការិនី។

៨ លោក អេឡិច ច័ន្ទត្រា បានបញ្ចប់ថ្នាក់បរិញ្ញាបត្រផ្នែក ទីផ្សារ ពីសាកលវិទ្យាល័យ ជាតិគ្រប់គ្រង។ បច្ចុប្បន្នលោកជាតារាសម្ដែងល្បីឈ្មោះក្នុងប្រទេស កម្ពុជា។

អានអត្ថបទ៖ស៊ីន ស៊ីសាមុត និង គង់ ណៃ ត្រូវគេប្រៀបធៀបនឹងសិល្បករល្បីលំដាប់ពិភពលោក!

៩ កញ្ញា ជា រ៉ាក់ម៉ូន ហៅ VJ Moon បានបញ្ចប់បរិញ្ញាបត្រ ផ្នែកសារព័ត៌មាន ពីសាកលវិទ្យាល័យភូមិន្ទភ្នំពេញ។ បច្ចុប្បន្ននាងបម្រើការងារជាពិធីការិនីទូរទស្សន៍ខ្សែកាបក្នុងស្រុកមួយ។

១០ ករុណា ពេជ្រ បានបញ្ចប់បរិញ្ញាបត្រផ្នែក កសិកម្ម ពីសាកលវិទ្យាល័យ ភូមិន្ទកសិកម្ម។ បច្ចុប្បន្នលោកជាតារាចម្រៀងឈានមុខម្នាក់ប្រចាំផលិតកម្ម Town។

១១ កញ្ញា ប៊ីរីយ៉ា បោះជំហានចូលសិល្បៈឆ្នាំ២០០៨ បានបញ្ចប់ថ្នាក់បរិញ្ញាបត្រផ្នែក ហិរញ្ញវត្ថុ និងធនាគារពីសាកលវិទ្យាល័យជាតិគ្រប់គ្រង។ បច្ចុប្បន្ននាងជាតារាសម្ដែង និងជាតារាម៉ូដែលក្នុងក្រុម Sun Model Cambodia។

អានអត្ថបទ៖ មើលមុខមានតារាសំណព្វចិត្តអ្នកអត់ ល្បីខាងប្ដូរផលិតកម្មច្រៀង?

១២ លោក ញឹម ចំរើន បញ្ចប់បរិញ្ញាបត្រផ្នែក ហិរញ្ញវត្ថុ និងធនាគារពីសកលវិទ្យាល័យ បៀលប្រាយ។ បច្ចុប្បន្នលោកមិនទាន់រកផលិតកម្មច្រៀងបាននៅឡើយទេ បន្ទាប់ពីទ្រនំ Rock ដែលលោកធ្លាប់ជ្រកកោនត្រូវផ្អាកដំណើរការ។

១៣ អ្នកនាង កែវ ស្រីនាង បានបញ្ចប់បរិញ្ញាបត្រផ្នែក អក្សរសាស្ត្រអង់គ្លេស ពីសាកលវិទ្យាល័យ បញ្ញាសាស្ត្រ។ បច្ចុប្បន្ននាងជាតារាសម្ដែងឈានមុខម្នាក់ក្នុងចំណោមតារាស្រីនានា។

១៤ ណាំ ប៊ុណ្ណារ័ត្ន បានបញ្ចប់បរិញ្ញាបត្រខាងភ្លេង ពីសាកលវិទ្យាល័យ ភូមិន្ទវិចិត្រសិល្បៈ។ បច្ចុប្បន្នលោកជាតារាចម្រៀង និងជាអ្នកនិពន្ធបទភ្លេងក្នុងផលិតកម្ម Twon។

១៥ កញ្ញា រស់ សាវ៉ាតប៉ាទី បញ្ចប់បរិញ្ញាបត្រផ្នែក អក្សរសាស្ត្រអង់គ្លេសពីសាកលវិទ្យាល័យ ជាតិគ្រប់គ្រង។ បច្ចុប្បន្ននាងជាតារាសម្ដែង និងជាពិធីការិនី។

១៦ លោក សួន ពិសិដ្ឋ បានទទួលសញ្ញាប័ត្រថ្នាក់អនុបណ្ឌិតផ្នែកដូរ្យតន្ត្រី ជំនាញនិពន្ធបទភ្លេង និង Piano ពីសាកលវិទ្យាល័យមួយក្នុងប្រទេស កាណាដា។ បច្ចុប្បន្នលោក ជាអ្នកនិពន្ធបទភ្លេង និងជាតារាចម្រៀងក្នុងផលិតកម្ម រស្មីហង្សមាស។

១៧ អ្នកនាង សុខ សោម៉ាវត្តី បានបញ្ចប់បរិញ្ញាបត្រផ្នែក គ្រប់គ្រងសណ្ឋាគារពីសាកលវិទ្យាល័យ ន័រតុន។ បច្ចុប្បន្ននាងជាតារាសម្ដែង និងជាពិធីការិនីប្រចាំស្ថានីយទូរទស្សន៍ បាយ័ន។

អានអត្ថបទ៖ វីដេអូសិច តារាខ្មែរល្បីឈ្មោះ ៥ ដួង ធ្លាប់ល្បីថាធ្លាយ!

១៨ លោក ស៊ុក សុភា បញ្ចប់បរិញ្ញាបត្រផ្នែកច្បាប់ពីសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ បច្ចុប្បន្នលោកជាតារាសម្ដែងឈានមុខម្នាក់ក្នុងប្រទេសកម្ពុជា។

១៩ លោក ជា វណ្ណរិទ្ធ បញ្ចប់បរិញ្ញាបត្រផ្នែកច្បាប់ពីសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ បច្ចុប្បន្នលោកជាពិធីករប្រចាំស្ថានីយទូរទស្សន៍ បាយ័ន។

២០ លោក អ៊ឹម ជីវ៉ា បញ្ចប់បរិញ្ញាបត្រ បញ្ចប់បរិញ្ញាបត្រផ្នែកច្បាប់ពីសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ បច្ចុប្បន្នលោកបម្រើការងារជាពិធីករ។

២១ លោក ធីណារ៉ាក់ រតនា ហៅ VJ រតនា បានបញ្ចប់បរិញ្ញាបត្រផ្នែក ហិរញ្ញវត្ថុ និងធនាគារពីសាកលវិទ្យាល័យ ជាតិគ្រប់គ្រង។ បច្ចុប្បន្នលោកជាពិធីករក្នុងស្ថានីយទូរទស្សន៍ MYTV។