អតីតអ្នកដឹកនាំរឿង "ផ្ទះខ្មោចទិញ" សុំការគាំទ្រពីទស្សនិកជនក្នុងខ្សែភាពយន្តថ្មី!

2014-11-04 16:00:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកដឹកនាំរឿង "ផ្ទះខ្មោចទិញ" លោក ហ៊ុយ យ៉ាឡេង ស្នើសុំការគាំទ្រពីទស្សនិកជនក្នុងខ្សែភាពយន្តថ្មីគឺរឿង "អាព្រឿងងាប់ហើយ" ត្រៀមនឹងបញ្ចាំងចុងឆ្នាំ២០១៤នេះ។

ការស្នើសុំការគាំទ្រពីទស្សនិកជនក្នុងខ្សែភាពយន្តថ្មីពីសំណាក់ផលិតករវ័យក្មេងរូបនេះធ្វើឡើងបន្ទាប់ពីលោកបោះជំហានប្រឡូកចូលវិស័យសិល្បៈឡើងវិញដោយបើកផលិតកម្មផ្ទាល់ខ្លួន ក្រោយផ្អាកការផលិតភាពយន្តជិត ៥ឆ្នាំ។

ផលិតករភាពយន្តលោក ហ៊ុយ យ៉ាឡេង

ផលិតករ និង ជាចាងហ្វាងផលិតកម្ម មាតុចក្រហ្វីមល៍លោក ហ៊ុយ យ៉ាឡេង និយាយថា៖ "រឿងនេះថ្មី ស្នាដៃកូនខ្មែរសុទ្ធសាធ មិនចម្លងពីបរទេស ផលិតដោយយកចិត្តទុកដាក់ ដូច្នេះសុំបងប្អូនជួយគាំទ្រផងចំពោះការវិលមកផលិតភាពយន្តវិញរបស់ខ្ញុំ"។

ផលិតករវ័យក្មេងរូបនេះធ្លាប់ទទួលការគាំទ្រជាខ្លាំងពីទស្សនិកជនអំឡុងឆ្នាំ២០០៤-២០០៥ ក្នុងខ្សែភាពយន្ត "ផ្ទះខ្មោចទិញ" និងរឿង "ខ្មោចដើមចេកជ្វា"។

អ្វីគូរឱ្យកត់សម្គាល់រឿង”ផ្ទះខ្មោចទិញ” ជារឿងពិតបានកើតឡើងនៅខេត្ត កំពង់ឆ្នាំ ហើយរឿង"ខ្មោចដើមចេកជ្វា" ត្រូវបានរោងភាពយន្តនៅប្រទេសថៃ ទិញយកទៅដាក់បញ្ចាំងទទួលបានការគាំទ្រច្រើនថែមទៀតផង។

លោក ហ៊ុយ យ៉ាឡេង បន្តថា ខ្សែភាពយន្តថ្មី "អាព្រឿងងាប់ហើយ" ដែលលោកស្នើសុំការគាំទ្រទស្សនិកជនគឺផលិតសម្រិតសម្រាំងយ៉ាងយកចិត្តទុកដាក់ ដោយប្រមូលផ្ដុំតារាល្បីៗចូលរួមសម្ដែង។

ទន្ទឹមនឹងការស្នើសុំការគាំទ្រពីទស្សនិកជនក្នុងខ្សែភាពយន្តថ្មីផលិតករមានបទពិសោធន៍ក្នុងការដឹកនាំរឿងជាង ៥ឆ្នាំខាងលើ ក៏បង្ហាញក្ដីរំពឹងថានឹងអាចទាក់ទាញការគាំទ្របានច្រើនពីទស្សនិកជនផងដែរពេលស្នាដៃលើកដំបូងរបស់ខ្លួនដាក់បញ្ចាំងនៅចុងឆ្នាំ២០១៤នេះ។ http://youtu.be/dx8OHjBK8_k “ខ្ញុំបានគិតគូរ និងយកចិត្តទុកខ្លាំងណាស់មុននឹងសម្រេចចិត្តសរសេររឿងនេះឡើង ហើយយើងបានសហការជាមួយដៃគូដោយទទួលបានជោគជ័យ"។ លោក ហ៊ុយ យ៉ាឡេង បន្ថែម។

ស្នាដៃថ្មីរបស់ផលិតករ ហ៊ុយ យ៉ាឡេងរឿង "អាព្រឿងងាប់ហើយ" នឹងដាក់បញ្ចាំងតាមរោងភាពយន្តនានានៅភ្នំពេញនាថ្ងៃទី ១១ខែ ធ្នូ ឆ្នាំ២០១៤ខាងមុខ។ ខ្សែភាពយន្តចូលរួមសហការផលិតដោយផលិតកម្មពីររួមគ្នាគឺ មាតុចក្រហ្វីមល៍ និងមហាហង្ស៕ អានអត្ថបទបន្ត៖តារាខ្មែរ ៤ រូបឡើងតុលាការក្នុងឆ្នាំ ២០១៤ នេះ

អានអត្ថបទបន្ត៖ តារាចម្រៀងល្បីៗជាង ១០ ដួង មានទីផ្សារខ្ពស់បំផុតថ្ងៃបុណ្យអុំទូក!

អានអត្ថបទបន្ត៖តារាសម្ដែងស្រី ៨ ដួង មានទីផ្សារខ្ពស់ជាងគេក្នុងឆ្នាំ២០១៤ http://youtu.be/kY3Rb71u2vU

អត្ថបទ៖ អ៊ីង សុឡា