ស្មាតហ្វូន Samsung ចេញឆ្នាំ ២០១៧ នឹងមាន RAM ដល់ 8GB
- 2016-10-23 21:05:35
- ចំនួនមតិ 0 | ចំនួនចែករំលែក 0
ស្មាតហ្វូន Samsung ចេញឆ្នាំ ២០១៧ នឹងមាន RAM ដល់ 8GB
ចន្លោះមិនឃើញ
ថ្មីៗនេះ Samsung បានប្រកាសចេញនូវ RAM ទំហំ 8GB ប្រភេទ LPDDR4 សម្រាប់បំពាក់លើទូរសព្ទកំពូលៗ។
លោក Joo Sun Choi ប្រធានផ្នែកជំនួញស៊ឺមីកុងឌុចទ័ររបស់ Samsung បានលើកឡើងថា RAM ទំហំ 8GB នេះជួយឲ្យស្មាតហ្វូនជំនាន់ថ្មីមានសមត្ថភាពកាន់តែខ្លាំង។ វានឹងជួយទ្រទ្រង់ប្រព័ន្ធកាមេរ៉ាភ្លោះលើទូរសព្ទ, ការបង្ហាញរូបភាពកម្រិត 4K លើអេក្រង់ និង បច្ចេកវិទ្យា VR ដើរកាន់តែរលូន។
ទន្ទឹមនឹងការប្រកាសនេះដែរ Samsung មិនបានបញ្ជាក់ទេថា RAM ទំហំយក្សនេះនឹងផលិតឲ្យដៃគូជំនួញដទៃឬយ៉ាងណានោះទេ។ ហេតុនេះគេរំពឹងថា Galaxy S8 ឬ Galaxy Note 8 ដែលចេញឆ្នាំក្រោយនឹងអាចជាស្មាតហ្វូនដំបូងគេប្រើ RAM 8GB នេះ៕
ចុចអាន៖ Galaxy S7 Edge ពណ៌ទឹកសមុទ្រនឹងមានលក់ខែវិច្ឆិកានេះ
ប្រែសម្រួល៖ ហៃ សុខហេង ប្រភព៖ zing