ម៉ូតូ Honda Zoomer X, Honda Dream, Honda NAVI, Yamaha Fino សុទ្ធ​តែ​ជា​ម៉ូតូ​ស៊េរី​ថ្មី​ដែល​ទើប​បង្ហាញ​ខ្លួន​លើ​ទីផ្សារ​ក្នុង​ស្រុក ជាមួយ​តម្លៃ​ខ្ទង់​ជាង​ពីរ​ពាន់​ដុល្លារ។

ម៉ូតូ​ស៊េរី​ឆ្នាំ ២០១៧ ដែល​ទើប​ចេញ​លក់​មាន​​ច្រើន​ម៉ូដែលដូចជា ម៉ូតូ​ហុងដាឌ្រីម 017 តម្លៃ ១ ៨៣០ដុល្លារ, Zoomer X ២០១៧​ តម្លៃ ២ ១៣០ ដុល្លារ, ម៉ូតូ​ចំណូល​ថ្មី Honda NAVI រាង​ប្លែក​របស់​ប្រទេស​ឥណ្ឌា​តម្លៃ ១ ៤៥០​ដុល្លារ, Suzuki Viva 2017 តម្លៃ ១ ៥០០ ដុល្លារ និង Yamaha Fino ស៊េរី​ឆ្នាំ ២០១៧ ដែលទើប​សម្ពោធ​ប៉ុន្មានថ្ងៃ​មុន​នេះ​តម្លៃ ២ ២៨០ដុល្លារ។

ដោយ​ឡែក​ម៉ូតូ​ធំ​​​អុីតាលី Ducati ចំនួន ៥ ម៉ូឌែល​ក៏​បាន​បង្ហាញ​ខ្លួន​ដែរ​ដូច​ជា ម៉ូឌែល Scrambler Ducati Full Throttle តម្លៃ ១៦ ៣៨៨ ដុល្លារ ម៉ូឌែល Ducati Hypermotard 939 តម្លៃ ២០ ១៨៨ ដុល្លារ ម៉ូឌែល Xdiavel S តម្លៃ ៣៨ ២៨៨ ដុល្លារ និង​ម៉ូឌែល Ducati Multistrada 1200 Enduro តម្លៃ ៣៤ ៩៨៨ ដុល្លារ។

បញ្ជាក់៖ តម្លៃម៉ូតូទាំងនេះ អាចប្រែប្រួលបន្ទាប់ពីចុះផ្សាយរួច៕

អត្ថបទ៖ រក្សា