ឈុតក្រៅឆាក ដាអ៊ីណា តវ៉ាដាច់អហង្ការពេល ដេតភូមិន្ទ ផ្ដល់ឱកាសឲ្យ ស្រទន់
- 2017-01-17 00:01:00
- ចំនួនមតិ 0 | ចំនួនចែករំលែក 0
ឈុតក្រៅឆាក ដាអ៊ីណា តវ៉ាដាច់អហង្ការពេល ដេតភូមិន្ទ ផ្ដល់ឱកាសឲ្យ ស្រទន់
ចន្លោះមិនឃើញ
សម្រាប់សប្ដាហ៍ថ្មីនេះ Sabay មានអ្វីថ្មីទៀតហើយសម្រាប់ប្រិយមិត្ត ជាពិសេសអ្នកដែលតែងតែនិយមអានប្រលោមលោក "ស្រទន់មន្តស្នេហ៍" និងអ្នកដែលរង់ចាំទស្សនាវីដេអូភាគនេះផ្ទាល់តែម្ដង។
ថ្ងៃនេះ Sabay នឹងលើកយកសកម្មភាពក្រៅឆាកមួយចំនួន ត្រង់ពេល ដាអ៊ីណា បានតវ៉ាជាមួយ ដេតភូមិន្ទ ដែលគេបានផ្ដល់ឱកាសឲ្យ ស្រទន់ ក្លាយជាអ្នករៀបចំកម្មវិធីបង្ហាញម៉ូដដ៏ធំប្រចាំឆ្នាំរបស់ DM Empire គឺពិធីបង្ហាញម៉ូដ "រាត្រីគជ់ខ្យង"។ មូលហេតុដែល ដាអ៊ីណា តវ៉ាជាមួយ ដេតភូមិន្ទ ព្រោះយល់ថា ស្រទន់ ជាក្មេងស្រីស្រុកស្រែមិនសក្ដិសមនឹងធ្វើជាអ្នករៀបចំកម្មវិធីសម្រាប់តារាល្បីប្រចាំប្រទេសដូចនាងនោះទេ តែនាងមិនបាននិយាយចំៗឲ្យ ស្រទន់ ក្នុងន័យបែបនោះទេ គឺនាងតែងតែយក DM Empire មកបាំងមុខរហូត ដោយលើកឡើងថា ខ្លាចខូចកេរ្តិ៍ឈ្មោះ DM Empire ។
មិនត្រឹមតែប៉ុណ្ណោះនោះទេ ដាអ៊ីណា តែងតែរកគ្រប់កលល្បិចដើម្បីចង់បាន ដេតភូមិន្ទ មកវិញព្រោះអ្នកទាំងពីរធ្លាប់មានទំនាក់ទំនងស្នេហាជាមួយគ្នាពីមុនមក ហើយអ្វីដែលធ្វើឲ្យកំពូលតារាបង្ហាញម៉ូដប្រចាំប្រទេសដូច ដាអ៊ីណា កាន់តែខ្វល់ចិត្តនោះគឺ បុរសសង្ហា ដេតភូមិន្ទ កំពុងតែចាប់អារម្មណ៍លើក្មេងស្រីដែលមានអត្តចរិតគួរឲ្យចូលចិត្តគឺ ស្រទន់ តែម្ដង។
"រាត្រីគជ់ខ្យង" គឺជាពិធីបង្ហាញម៉ូដដ៏ធំ និងពិសេសប្រចាំឆ្នាំរបស់ DM Empire ដែលតែងតែរៀបចំឡើងនៅដែនសមុទ្រកម្ពុជាដែលនរណាៗក៏ដឹងក៏ស្គាល់ពីកម្មវិធីនេះ។ លើកនេះផ្ទាល់គឺក្រុមហ៊ុនបានចំណាយទឹកប្រាក់ទ្វេដងបើប្រៀបនឹងឆ្នាំកន្លងមក ដើម្បីរៀបចំព្រឹត្តិការណ៍នេះឡើង ហើយកិច្ចការយ៉ាងពិសេសនៅក្នុងឆ្នាំនេះគឺត្រូវធ្លាក់លើដៃស្រីស្អាត ស្រទន់ ជាអ្នករៀបចំគ្រប់យ៉ាង ដោយមានបុរសនៅក្នុងក្ដីសុបិនរបស់នារីស្ទើរតែមួយប្រទេសគឺ ដេតភូមិន្ទ ចាំជួយជ្រោមជ្រែងពីក្រោយជានិច្ច។
ព្រឹត្តិការណ៍ធំយ៉ាងនេះ ហើយ ស្រទន់ ជាក្មេងស្រីដែលមិនមានបទពិសោធន៍ការងារនេះទាល់តែសោះ ហើយ ដាអ៊ីណា ក៏មិនពេញចិត្តនឹងសហការជាមួយទៀត តើនាងអាចរៀបចំព្រឹត្តិការណ៍នេះឱ្យដំណើរការបានដែរឬទេ?
សូមកុំភ្លេចរង់ចាំទស្សនាឈុតពិសេសៗក្នុងរឿង "ស្រទន់មន្តស្នេហ៍" នៅសប្ដាហ៍ក្រោយទៀត៕