ខ្លាំងម៉ង! មានទាំងតារាល្បីៗខ្មែរនិងថៃអង្រួនឆាកកោះពេជ្រសប្បាយកប់
- 2017-03-21 09:50:10
- ចំនួនមតិ 0 | ចំនួនចែករំលែក 0
ខ្លាំងម៉ង! មានទាំងតារាល្បីៗខ្មែរនិងថៃអង្រួនឆាកកោះពេជ្រសប្បាយកប់
ចន្លោះមិនឃើញ
ពិតជាមិនធម្មតាជាមួយវត្ថមានតារាចម្រៀងល្បីទាំងខ្មែរនិងថៃ ដូចជា លោក ឆាយ វីរៈយុទ្ធ, ពេជ្រ សោភា, Step, ជីដេវីដ,នីកូ រួមជាមួយតារាថៃពីររូបទៀតគឺលោក Nick Kunatip និងលោក Bad Nongbew បានធ្វើឲ្យកក្រើកឆាកប្រគំតន្ត្រី Anchor Beach Carnival 2017 នៅកោះពេជ្រកាលពីយប់ថ្ងៃអាទិត្យទី ១៩ ខែមិនា កន្លងទៅនេះ។
តារាថៃបានច្រៀងបទល្បីៗពេញនិយមបែបយុវវ័យ និងតារាចម្រៀងខ្មែរបានលើកយកបទចូលឆ្នាំខ្មែរប្រពៃណីជាតិ ដែលសុទ្ធសឹងតែជាបទចម្រៀងញាក់កន្ត្រាក់អារម្មណ៍ជាមួយនិងការស្លៀកពាក់ប្លែក បានធ្វើឲ្យអ្នកគាំទ្រទាំងអស់ច្រៀងតាមផង រាំតាមផង ។
មិនត្រឹមតែមានបទចម្រៀងដ៏ជក់ចិត្តនោះទេ ថែមទាំងមានកំពូលតារាកំប្លែងជើងចាស់គឺលោកក្រឹមបានចូលរួមសម្ដែងអមជាមួយអ្នកនាង ពេជ្រសោភាដែលញ៉ាំងឲ្យមជ្ឈមណ្ឌលកោះពេជ្រស្ទើរតែគ្មានកន្លែងទំនេរដែលធ្វើឲ្យកម្មវិធីកាន់តែសប្បាយរំជើបរំជួល ។
កាន់តែគួរឲ្យចាប់អារម្មណ៍នោះមុនចាប់ផ្ដើមការការប្រគំតន្ត្រី Anchor Beach Carnival 2017 ក៏មានការរាំ Carnival ពីអ្នករាំបុរសសង្ហារ និងនារីស្រស់ស្អាតចំនួន២០នាក់ ដែលសម្លៀកបំពាក់មានការតុបតែងនិងច្នៃដោយរោមសត្វ នេះក៏ជាហេតុធ្វើឲ្យថ្ងៃទី២នៃកម្មវិធីនេះមានអ្នកចូលរួមទស្សនាកាន់តែច្រើននឹកស្មានមិនដល់ ។
ចង់ដឹងថារំជើបរំជួលកម្រិតណា សូមមើលរូប ៖