មកដឹងផលប៉ះពាល់នៃថ្នាំលាបក្រចក និងវិធីជ្រើសរើសដ៏ត្រឹមត្រូវបំផុត

2017-04-20 02:49:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តមួយចំនួន ជាពិសេសនារីៗ ប្រាកដជាបានដឹងហើយថា អ្នកមិនគួរលាបថ្នាំក្រចកញឹកញាប់នោះទេ ព្រោះវាអាចធ្វើឲ្យក្រចករបស់អ្នកស្ងួត និងឡើងពណ៌លឿង។ មិនតែប៉ុណ្ណោះ គ្រឿងសម្អាងប្រភេទនេះ អាចបណ្ដាលឲ្យមានគ្រោះថ្នាក់ធ្ងន់ធ្ងរដល់សុខភាពរបស់អ្នក ថែមទៀងផង។

ផលិតផលគ្រឿងសម្អាងថែរក្សាក្រចកសម័យទំនើបមួយចំនួនមានផ្ទុកសមាសភាគ និងសមត្ថភាព ដែលធ្វើឲ្យប៉ះពាល់ធ្ងន់ធ្ងរដល់សុខភាពរបស់អ្នក ដូចជា៖

Toluene : សារធាតុរំលាយ ដែលធ្វើឲ្យក្រចករលោង និង មានពណ៌ផូរផង់។ Toluene អាចប៉ះពាល់ដល់ប្រព័ន្ធសរសៃប្រសាទកណ្តាល និង បង្កឲ្យមានជំងឺបន្តពូជ។ មិនតែប៉ុណ្ណោះ វាក៏បណ្ដាលឲ្យមានអាការៈ ឈឺក្បាល ខ្សោយ ល្ហិតល្ហៃ និង ឆ្អើម ផងដែរ។
Formaldehyde : ឧស្ម័នគ្មានពណ៌ (Colorless Gas) ដែលធ្វើឲ្យថ្នាំក្រចកទុកបានយូរ។ ប្រសិនបើអ្នកកំពុងកើតអាឡែស៊ី ការប៉ះពាល់ជាមួយសមាសធាតុគីមី Formaldehyde អាចបង្កឲ្យកើតមាន ការរលាកស្បែក ជាដើម។ ក្នុងករណីធ្ងន់ធ្ងរ វាអាចបង្កឲ្យមានជំងឺចង្វាក់បេះដូង ប្រកាច់ និង រោគមហារីក។
Dibutyl Рhthalate : ត្រូវបានប្រើដើម្បីបង្កើតជាក្លិន។ វត្តមាននៃសមាសភាគដ៏គ្រោះថ្នាក់នេះ អាចបណ្ដាលឲ្យអ្នកកើតជំងឺក្រពេញ រោគស្ត្រី និង ជំងឺរលាកផ្លូវដង្ហើម។

តើត្រូវជ្រើសរើសយកថ្នាំក្រចកបែបណា ទើបមិនបណ្ដាលឲ្យប៉ះពាល់ដល់សុខភាពរបស់អ្នក?

កញ្ចប់ និងដបថ្នាំលាបក្រចកមួយចំនួន មានសញ្ញាសម្គាល់ពិសេស៖

5-Free : មានន័យថា ផលិតផលនេះមិនមានផ្ទុកសមាសភាគ Formaldehyde, Formaldehyde Resins, Toluene, Dibutyl phthalates, ឬ Camphor ឡើយ។
3-Free : មានន័យថា ផលិតផលនេះមិនមានផ្ទុកសមាសភាគបង្កគ្រោះថ្នាក់ តែ៣ប្រភេទប៉ុណ្ណោះ គឺ Formaldehyde, Dibutyl phthalate និង Toluene។

ដូច្នេះមុនពេលទិញថ្នាំលាបក្រចក សូមយកចិត្តទុកដាក់ និងសម្គាល់មើលធាតុផ្សំរបស់វាជាមុនសិន៕

ប្រភព៖ Brightside ប្រែសម្រួល៖ សេង ឡុង