កូរ៉េខាងជើងមិនញញើត Apple ដល់ថ្នាក់ដាក់លក់ថេបប្លែតឈ្មោះ iPad ផ្ទាល់ខ្លួន

2017-06-01 07:57:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ ២០១០ កន្លងទៅក្រុមហ៊ុន Apple បានប្រកាសបង្ហាញនូវប្រភេទថេបប្លែត iPad ដែលមានចុះនៅពាណិជ្ជនាមត្រឹមត្រូវ។ ងាកទៅមើលក្រុមហ៊ុន Ryonghung របស់កូរ៉េខាងជើងឯណោះវិញ ហាក់បីជាមិនញញើតខ្លាចក្រុមហ៊ុនយក្សអាមេរិក Apple នោះទេ ខណៈពួកគេបានចេញលក់នូវថេបប្លែតមានឈ្មោះ Ryonghung iPad ក្នុងដីកំណើតរបស់ខ្លួន។

ឧបករណ៍នេះត្រូវបានគេដឹង ដំណើរការនៅលើ CPU ប្រភេទ Quad-Core ល្បឿន 1.2GHz ដែលមាន RAM 1GB និងអង្គផ្ទុក 8GB ដោយឡែកវាមានកម្មវិធីផ្សេងៗនៅលើនោះចំនួន ៤០ មកពីនាយ។ បញ្ជាក់ថានេះមិនមែនជាលើកទី ១ ទេ ដែលក្រុមហ៊ុនកូរ៉េខាងជើងបានធ្វើការចម្លងបែបបទពី Apple ព្រោះកន្លងទៅ ពួកគេក៏ធ្លាប់បង្កើតនូវប្រព័ន្ធ Red Star 3.0 ដែលមានលំនាំ Copy ចេញពីប្រព័ន្ធ OS X សុទ្ធសាធ។

រំលឹកកាលពីឆ្នាំ ២០១២ កន្លងទៅ Apple ក៏ធ្លាប់បង្កើតកំហុស រហូតត្រូវបង់ជូនក្រុមហ៊ុនចិនមួយក្នុងទំហំប្រាក់ ៦០ លានដុល្លារ ករណីល្មើសប៉ាតង់ពាណិជ្ជនាម iPad គ្មានការអនុញ្ញាតក្នុងប្រទេសចិន។

ចុចអាន៖

ប្រភព៖ PhoneArena ប្រែសម្រួល៖ កៅ រក្សា