រឿង "The Mummy” អាចបំបែកឯកត្តកម្មមួយរបស់ Tom Cruise

2017-06-09 08:54:32
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "Mummy” ស៊េរីថ្មីដែលចេញនៅឆ្នាំ២០១៧ នេះអាចជារឿងមួយដែលបំបែកឯកត្តកម្មរឿងរកប្រាក់ចំណូលនៅថ្ងៃដាក់បញ្ចាំងដំបូងច្រើនបំផុតទូទាំងពិភពលោកសម្រាប់តារាសម្ដែង Tom Cruise។ ហើយនេះគឺចំណុចដ៏សំខាន់មួយរបស់ផលិតកម្ម Universal Pictures ព្រោះនេះជាការចាប់ផ្ដើមនូវគម្រោងដ៏ធំមួយ។

គម្រោងនោះត្រូវបានគេដាក់ឈ្មោះថា "Dark Universe” ដែលប្រមូលផ្ដុំនូវបិសាច និងមនុស្សចម្លែកៗ ដែលមាននៅក្នុង Universal Studio ដាក់បញ្ចូលគ្នាដោយមានហេតុការណ៍ទាក់ទងគ្នាមិនឲ្យចាញ់ "Marvel Universe” និង " DC Universe” ។ នៅក្នុង Universe នោះនឹងមានបញ្ចូលតួអង្គសំខាន់ៗដូចជា Bride of Frankenstein, Invisible Man, Phantom of the Opera និងតួសំខាន់ៗច្រើនទៀត។

បើយោងតាមបណ្ដាញព័ត៌មាន Deadline ភាពយន្ត "The Mummy” គឺត្រូវគេរំពឹងថាអាចរកប្រាក់ចំណូលបានពី ១២៥លានដុល្លារទៅ ១៣៥លានដុល្លារសម្រាប់ Box Office ទូទាំងពិភពលោក (ដកប្រទេសអាមេរិកចេញ) ដោយដាក់បញ្ចាំងនៅ ៦៣ប្រទេសទូទាំងពិភពលោក។ ប៉ុន្តែចំនួននេះអាចកើនឡើងដល់ ១៥០លានដុល្លារប្រសិនជាអាចរកប្រាក់ចំណូលបានច្រើននៅប្រទេសចិន។

បណ្ដារឿងដែលជោគជ័យរបស់ Tom Cruise ដែលមានពីមុនមកនោះគឺមានដូចជា រឿង Mission: Impossible (Ghost Protocol/Rogue Nation), Jack Reacher, Oblivion និង Edge of Tomorrow ជាដើម។

រឿង "The Mummy” ចាប់ដាក់បញ្ចាំងនៅប្រទេសកម្ពុជាថ្ងៃទី៩ខែមិថុនានេះហើយ៕

ទស្សនា Trailer ខាងក្រោម៖