ពូកែមិនធម្មតាតួស្រី "The Mummy” ធ្លាប់រាំជាមួយ Madonna និង Rihanna

2017-06-12 08:12:42
ចំនួនមតិ 0 | ចំនួនចែករំលែក 0

ចន្លោះមិនឃើញ

វាគឺជារឿងដែលគួរឲ្យភ្ញាក់ផ្អើលមួយដែលតារាសម្ដែងក្នុងរឿង "The Mummy” តាមពិតជាអ្នករាំដ៏ពូកែម្នាក់ មុននឹងចាប់យកអាជីពជាតារាសម្ដែង។

តារាសម្ដែង Sofia Boutella សញ្ជាតិ អាល់ហ្សេរី បានធំធាត់នៅប្រទេសបារាំងហើយចាប់ផ្ដើមរាំតាំងពីអាយុ៥ឆ្នាំមកម្ល៉េះ។ រហូតដល់នាងមានអាយុ២៥ឆ្នាំនាងបានចូលរួមក្នុងគម្រោងពាណិជ្ជកម្មធំមួយរបស់ Nike ព្រមទាំងបានចូលរួមសម្ដែងក្នុងវីដេអូចម្រៀងរបស់តារាចម្រៀងល្បីៗដូចជា Rihana, Usher, Ne-Yo និង Madonna ទៀតផង។ ការងារធំបំផុតដែលនាងបានធ្វើគឺចូលរួមក្នុងតន្រ្តីទេសចរណ៍របស់ Madonna ចំនួនពីរលើក ប៉ុន្តែក្រោយមកនាងក៏ចាប់យកអាជីពសម្ដែងជំនួសវិញ។ ពេលវេលាចុងក្រោយបង្អស់ដែលនាងបានរាំគឺនៅក្នុងកម្មវិធី Super Bowl halftime show របស់ Madonna កាលពីឆ្នាំ ២០១២។

នាងចាប់ផ្តើមសម្ដែងរឿងដំបូងនៅក្នុងរឿង "StreetDance 2” និងបានធ្វើឲ្យពិភពលោកចាប់អារម្មណ៍មកលើនាងនៅក្នុងរឿង "Kingsman: The Secret Service” និងសម្ដែងជាតួអង្គ Jaylah ក្នុងរឿង "Star Trek Beyond”។ ហេតុនេះហើយទើបនាងមានឱកាសសម្ដែងជាតួសំខាន់មួយក្នុងរឿង "The Mummy” នេះ ដែលជាតួដ៏សំខាន់និងធំមួយសម្រាប់នាង។

ចង់ដឹងថានាងសម្ដែងបានល្អប៉ុណ្ណាក្នុងរឿង "The Mummy” អ្នកទាំងអស់គ្នាអាចទៅទស្សនារឿងនេះបាននៅតាមរោងកុនទំនើបទូទាំងព្រះរាជាណាចក្រកម្ពុជា៕

ចុចអាន៖

ប្រភព៖ facebook | hollywoodreporter ប្រែសម្រួល៖ ធារ៉ូ