អាយុគ្រាន់ជាតួលេខ Madonna ចោលសង្សារចាស់ យកថ្មីអាយុតិចជាងខ្លួន២៧ឆ្នាំ

2017-06-21 02:32:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាចម្រៀងជើងចាស់ Madonna បានបោះបង់ចោលសង្សារចាស់របស់ខ្លួន ដើម្បីមកទាក់ទងជាមួយសង្សារថ្មី។

តារាចម្រៀង Madonna

បើគិតត្រឹមពេលនេះតារារូបនេះមានអាយុ ៥៨ឆ្នាំហើយ ហើយនៅតែបន្តទាក់ទងជាមួយនឹងបុរសវ័យក្មេងៗជាហូរហែ។ នាងទើបតែបែកបាក់ជាមួយសង្សារចាស់របស់នាងឈ្មោះ Aboubakar Soumahoro អាយុ ២៦ឆ្នាំមកយកសង្សារថ្មីជាតារាម៉ូដែលអាយុ ៣១ឆ្នាំឈ្មោះ Kevin Sampio។

លោក Kevin Sampio

ពួកគេជួបគ្នាដំបូងនៅក្នុងវីដេអូចម្រៀង "B**** I'm Madonna” កាលពីឆ្នាំ ២០១៥

លោក Kevin និងតារាចម្រៀង Madonna បានជួបគ្នានៅក្នុងវីដេអូចម្រៀង "B**** I'm Madonna” កាលពីឆ្នាំ ២០១៥ ហើយក៏មានទំនាក់ទំនងនឹងគ្នាពីពេលនោះមក គ្រាន់តែមិនទាន់លើសពីមិត្តភ័ក្ដិ។ រហូតដល់ពេលតារាចម្រៀងរូបនេះបាក់បែកជាមួយសង្សារចាស់ ទើបអ្នកទាំងពីរចាប់ផ្តើមទាក់ទងគ្នា។

តារាម៉ូដែលរូបនេះ បានធ្វើឲ្យ Madonna ពេញចិត្តដោយសារតែភាពស្ងៀមស្ងាត់របស់លោក ដោយមិនប្រាប់អ្នកណាពីទំនាក់ទំនងរបស់អ្នកទាំងពីរ។ ប្រភពមួយបានបញ្ជាក់ថា Madonna ពេញចិត្តដែលលោក Kevin មិនទៅជួបអ្នកកាសែតភ្លាមៗបន្ទាប់ពីអ្នកទាំងពីរជួបទាក់ទងគ្នាលើកដំបូង៕