ទំនាក់ទំនងវាង ដូណាល់ ត្រាំ និងគីម ជុងអ៊ុន កាន់តែខ្សោយទៅៗ ព្រោះតែចិន..

2017-06-21 03:12:55
ចំនួនមតិ 0 | ចំនួនចែករំលែក 0

ចន្លោះមិនឃើញ

១. គម្រោងផ្លូវរថភ្លើងល្បឿនលឿន មិនបានផ្ដល់ផលប្រយោជន៍ពិសេសណាមួយដល់ចិននោះទេ

លោកនាយករដ្ឋមន្ត្រីថៃ ប្រាយុទ ចាន់អូចា បានអំពាវនាវឲ្យសាធារណជនគាំទ្រលើគម្រោងផ្លូវរថភ្លើងល្បឿនលឿនថៃ-ចិន ពីក្រុងបាងកកទៅខេត្តនគររាជសីមា ដោយលោកបានអះអាងថា គម្រោងពន្លឿនសាងសង់ផ្លូវរថភ្លើងនេះ គឺស្ថិតនៅក្នុងផលប្រយោជន៍ខ្ពស់បំផុតរបស់ថៃ មិនមែនប្រទេសចិននោះទេ។

រូបថតផ្ដល់សិទ្ធិដោយ Reuters

**២. ស្ថានីយរថភ្លើងក្រុងប្រ៊ូសសែល របស់បែលហ្សិក រងការបំផ្ទុះគ្រាប់បែកសាជាថ្មី**

ហេតុការណ៍បំផ្ទុះគ្រាប់បែកនេះ បានកើតឡើងនៅស្ថានីយរថភ្លើង កណ្ដាលក្រុងប្រ៊ូសសែល របស់បែលហ្សិក កាលពីថ្ងៃទី២០ មិថុនា ២០១៧។ ក្នុងនោះ ជនសង្ស័យបំផ្ទុះគ្រាប់បែកម្នាក់ ត្រូវបានក្រុមទាហានបែលហ្សិកបាញ់សម្លាប់ក្រោយការបំផ្ទុះនោះ។ សាក្សីបានឲ្យដឹងថា ជនសង្ស័យបំផ្ទុះគ្រាប់បែករូបនេះបានស្រែកថា "ព្រះគឺអស្ចារ្យបំផុត" មុនរូបគេបានបំផ្ទុះគ្រាប់បែកនៅស្ថានីយរថភ្លើង

៣. អ្នកស្លាប់កើនដល់ ៦៤នាក់ហើយ ក្នុងហេតុការណ៍ភ្លើងឆេះព្រៃនៅព័រទុយហ្គាល់

ភ្លើងឆេះព្រៃនៅប្រទេសព័រទុយហ្គាល់ ដែលបានកើតឡើងតាំងពីថ្ងៃទី ១៧មិថុនា បានឆក់យកជីវិតមនុស្ស ៦៤នាក់ហើយ។ ជនរងគ្រោះជាច្រើន បានស្លាប់ក្នុងរថយន្តរបស់ពួកគេ ក្នុងពេលព្យាយាមរត់គេចចេញពីភ្លើងឆេះព្រៃនោះ។ ចំណែកមនុស្សជាង ១៣០នាក់ទៀត បានរងរបួសផងដែរ។

៤. ដូណាល់ ត្រាំ៖ ចិនជួយហើយ តែកូរ៉េខាងជើង....

កាលពីថ្ងៃម្សិលមិញ អ្នកនាំពាក្យសេតវិមានបានចេញសេចក្ដីថ្លែងការណ៍ថា ជំនួបរវាងដូណាល់ត្រាំ និងមេដឹកនាំកូរ៉េខាងជើង ទំនងជាកាន់តែខ្សោយទៅៗហើយ ពីព្រោះចិនជាសម្ព័ន្ធមិត្តចាក់ទឹកមិនលិចជាមួយកូរ៉េខាងជើងនោះ មិនអាចអូសទាញកូរ៉េខាងជើងឲ្យបញ្ឈប់ការអភិវឌ្ឍកម្មវិធីនុយក្លេអ៊ែរបានឡើយ។ ព័ត៌មានលម្អិតសូមស្ដាប់ការអធិប្បាយខាងក្រោម៖