ធ្លាប់ដឹងអត់? តារាសម្ដែងទាំង៩រូបនេះ ធ្លាប់សម្ដែងជាច្រើនតួអង្គ ក្នុងរឿងតែមួយ!

2017-06-24 07:27:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាហូលីវូដជាច្រើន សុទ្ធតែជាតារាដែលមានទេពកោសល្យខ្ពស់ ដល់ថ្នាក់អាចសម្ដែងជាច្រើនតួអង្គក្នុងរឿងតែ១។ មិនត្រឹមតែប៉ុណ្ណោះពួកគេអាចឲ្យយើងជឿជាក់ថា យើងបានឃើញមនុស្សពីរផ្សេងគ្នាគ្រប់ពេលទៀតផង។

នេះជាឧទាហរណ៍ខ្លះៗនៃបណ្ដាតារាហូលីវូដ៩នាក់ដែលសម្ដែងជាច្រើនតួអង្គក្នុងរឿងតែ១៖

១. Cate Blanchett នៅក្នុងរឿង "Manifesto”

នៅក្នុងរឿង "Manisfesto” តារាសម្ដែង Cate Blanchett សម្ដែងដល់ទៅ១៣តួអង្គឯណោះ ដែលនៅក្នុងនោះនាងបានដើរតួជាគ្រូបង្រៀន ជាស្រ្តីមេផ្ទះ ជាស្ត្រីមេម៉ាយជាដើម។

២. Tom Hanks នៅក្នុងរឿង "Cloud Atlas”

នៅក្នុងរឿងដែលដកស្រង់ចេញពីរឿងប្រលោមលោករបស់អ្នកនិពន្ធ David Mitchell នេះ តារាសម្ដែង Tome Hank បានសម្ដែងដល់ទៅ ៦ តួអង្គឯណោះ។ តួអង្គនីមួយៗ គឺផ្ដោតសំខាន់ទៅលើការរស់នៅដាច់ដោយឡែករបស់ពួកគេ។

៣. Hugo Weaving នៅក្នុងរឿង "Cloud Atlas”

មិនខុសពីលោក Tom Hank ទេ! តារាសម្ដែង Hugo Weaving ក៏បានសម្ដែងជាច្រើនតួអង្គដែរនៅក្នុងរឿង "Cloud Atlas”។

៤. Mike Myers នៅក្នុងរឿង "Austin Powers in Goldmember”

តារាកំប្លែង Mike Myers គឺជាតារាកំប្លែងដ៏ល្អម្នាក់។ ប៉ុន្ដែដោយសារតែមានការរិះគន់ច្រើនមកលើតារារូបនេះ បន្ទាប់ពីសម្ដែងរឿង James Bondជាលក្ខណៈកំប្លែងនេះមក លោកមិនទាន់ត្រូវបានគេហៅឲ្យថតរឿងថ្មីៗនៅឡើយ។

៥. Cheech Marin នៅក្នុងរឿង "From Dusk Till Dawn”

តារាកំប្លែងសញ្ជាតិម៉ិកស៊ីកូរូបនេះ បានសម្ដែងជាច្រើនតួក្នុងរឿងនេះបានយ៉ាងល្អរហូតដល់ថ្នាក់មានអ្នកខ្លះយល់ច្រឡំថាជាមនុស្សផ្សេងគ្នាទៀតផង។

៦. Eddie Murphy នៅក្នុងរឿង "Norbit”

តារាសម្ដែង Eddie Murphy បានសម្ដែងជាច្រើនតួអង្គនៅក្នុងរឿងនេះ ហើយអ្វីដែលគួរឲ្យកត់សម្គាល់នោះគឺ លោកបានតុបតែងខ្លួនខុសៗប្លែកគ្នាខ្លាំងសម្រាប់តួនីមួយៗ។

៧. Noomi Rapace នៅក្នុងរឿង "Seven Sisters”

ក្នុងរឿងនេះនាងបានសម្ដែងចំនួន ៧តួអង្គដែលខុសៗគ្នាទៅតាមថ្ងៃនីមួយៗក្នុងសប្តាហ៍។

៨. Ralph Fiennes នៅក្នុងរឿង "Sunshine”

សម្រាប់រឿង "Sunshine” នេះលោកបានដើរតួជា ៣តួអង្គសម្រាប់សម្គាល់ឲ្យបីជំនាន់។

៩. James McAvoy នៅក្នុងរឿង "Split”

នៅក្នុងរឿងនេះលោកត្រូវដើរតួជាមនុស្សម្នាក់ដែលមានអត្តចរិត ២៣ខុសៗគ្នា។ ប៉ុន្ដែនៅក្នុងរឿងនេះ អ្នកទស្សនាអាចមើលឃើញតែ៧ទេ ដែលនៅក្នុងនោះមាន Dennis, Patricia, Hedwig, Barry, Orwell, Jade, និង Beast។ លោក James McAvoy ត្រូវបានអ្នកវិភាគរឿងនិងអ្នកទស្សនារឿងនេះ សរសើរលោកពេញៗមាត់ថាពិតជាមានសមត្ថភាពក្នុងការសម្ដែងពិតមែន៕

ចុចអាន៖

អត្ថបទ៖ ធារ៉ូ