ស្ងាត់ៗ ប្រធានាធិបតីហ្វីលីពីន Duterte បង្កើតកំណត់ត្រា ដ៏គួរឲ្យភ្ញាក់ផ្អើលមួយ
- 2017-06-26 07:25:20
- ចំនួនមតិ 0 | ចំនួនចែករំលែក 0
ស្ងាត់ៗ ប្រធានាធិបតីហ្វីលីពីន Duterte បង្កើតកំណត់ត្រា ដ៏គួរឲ្យភ្ញាក់ផ្អើលមួយ
ចន្លោះមិនឃើញ
ប្រធានាធិបតីហ្វីលីពីន Rodrigo Duterte ធ្លាប់បានធ្វើដំណើរទស្សនកិច្ចទៅកាន់បរទេស ចំនួន ២១ លើក ចាប់តាំងពីលោកបានស្បថចូលកាន់តំណែងមក។
បើយោងតាមរបាយការណ៍របស់ Inquirer បានឲ្យដឹងថា ប្រធានាធិបតីវ័យ ៧២ ឆ្នាំរូបនេះ បានធ្វើដំណើរប្រមាណជា ៧៧ ៥៤២ ម៉ាយ (១២៤ ៧៩១ គីឡូម៉ែត្រ) ទៅកាន់បណ្ដាប្រទេស ចំនួន ១៧ ធ្វើឲ្យលោក Duterte ក្លាយជាប្រធានាធិបតី ដែលធ្វើដំណើរច្រើនបំផុត នៅក្នុងឆ្នាំដំបូងនៃការកាន់តំណែងរបស់លោក។
គួរបញ្ជាក់ថា លោក Rodrigo Duterte គឺជាប្រធានាធិបតីហ្វីលីពីន ទី១៦ ដែលបានស្បថចូលកាន់តំណែង កាលពីថ្ងៃទី៣០ ខែមិថុនា ឆ្នាំ២០១៦ កន្លងទៅ។
គួរឲ្យដឹងផងដែរថា អតីតប្រធានាធិបតីហ្វីលីពីន ទី៩ លោក Diosdado Macapagal និង ទី១១ លោកស្រី Cory Aquino ធ្លាប់បានធ្វើដំណើរទស្សនកិច្ចទៅកាន់បរទេស ចំនួន ៤ ដងដូចគ្នា នៅក្នុងឆ្នាំដំបូងនៃការកាន់តំណែង។ ចំណែកឯអតីតប្រធានាធិបតីហ្វីលីពីន ទី១២ លោក Fidel Ramos , ទី១៣ លោក Joseph Estrada និង ទី១៥ លោក Benigno Aquino III ធ្លាប់បានធ្វើដំណើរទស្សនកិច្ចទៅកាន់បរទេស ចំនួន ៨ ដងម្នាក់ ខណៈ ទី១៤ លោកស្រី Gloria Macapagal-Arroyo ធ្លាប់បានធ្វើដំណើរទស្សនកិច្ចទៅកាន់បរទេស ចំនួន ១១ ដង៕