មិនធម្មតាទេ DOCTOR STRANG, IRON MAN និង HULK ជួបជុំគ្នាថតរឿងថ្មី!

2017-06-29 23:47:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះពួកគេបានបង្ហាញខ្លួនក្នុងឈុតមួយជាមួយគ្នាសម្រាប់រឿង Avenger: Infinity War។

តារាសម្តែង Robert Downey

តារាសម្តែង Benedict Cumberbatch

តារាសម្តែង Mark Ruffalo (ខាងឆ្វេង)

សម្រាប់សាច់រឿងនេះផលិតកម្ម Marvel បានចាប់ផ្ដើមការថតតាំងតែពីខែមករាមកម្ល៉េះ ដែលថ្មីៗនេះបានថតឈុតឆាកផ្ទុះដ៏ធំមួយនៅទីក្រុង Altanta សហរដ្ឋអាមេរិក ដែលទីនោះបានចូលរួមដោយតារាល្បីៗជាច្រើនរូប។

តារាលំដាប់កំពូលដែលជាតួអង្គសំខាន់ៗក្នុងរឿងនេះដូចជាតារាសម្ដែង Benedict Cumberbatch, Mark Ruffalo និង Robert Downey បានជួបជុំគ្នានៅទីនោះជាមួយនឹងសំលៀកបំពាក់ (Custom) របស់ពួកគេផងដែរ។

លោក Robert បានសម្ដែងតួសំខាន់របស់លោកគឺ Iron Man ឫ Tony Stark ដែលព្រមទាំងបានបង្ហាញនូវឈុតរបស់ Iron Man ថ្មីដែលមើលទៅគួរឲ្យទាក់ទាញ។ លោក Benedict សម្ដែងជាតួ Dr. Stephen Strange ឫ Doctor Strange ចំណែកឯលោក Mark សម្ដែងជាតួអង្គ Hulk។

នៅទីនោះដែរតារាសម្ដែងសំខាន់ជាច្រើនសុទ្ធតែមានវត្តមានដើម្បីថតឈុតឆាករបស់ខ្លួនដែលនៅក្នុងនោះមានដូចជា Scarlett Johannsson, Bradley Cooper, Chris Evans, Tom Holland, Chris Pratt, Jeremy Renner និង Dave Bautista។

ការថតឈុតឆាកនៅទីនេះនឹងបញ្ចប់ឆាប់ៗនេះហើយ ខណៈដែលក្រុមការងារនោះនឹងបន្តថតនៅទីក្រុង New York បន្ទាប់ទៀត។

រឿង Avenger: Infinity នឹងដាក់បញ្ចាំងនៅខែឧសភាឆ្នាំ២០១៨ ដែលជារឿងមួយដែលចំណាយថវិកានិងចូលរួមដោយតារាល្បីៗច្រើនបំផុតក្នុងប្រវត្តិសាស្ត្រផលិតភាពយន្ត៕

នេះជាការផ្ទុះដោយសារថតឈុតមួយនៅ Atlanta៖

ចុចអាន៖

ប្រភព៖ Dailymail ប្រែសម្រួល៖ ធារ៉ូ