តិចច្រលំលង់ស្នេហ៍ បុរសសាច់ដុំសង្ហារូបនេះ... បើដឹងអាយុពិតគាត់ អាចនឹងដាច់ផ្ងារ

2017-06-29 02:21:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យចំណាស់រូបនេះ ត្រូវបានគេដាក់រហស្សនាមឲ្យថា «Real-life Master Roshi»
វីដេអូរបស់លោក ទទួលបានការចុចមើលរាប់លានដង
លោកអាចលើកដុំដែកទម្ងន់រហូតដល់ទៅ ១២០ គីឡូក្រាមឯណោះ

បុរសវ័យចំណាស់ម្នាក់ ត្រូវបានគេដាក់រហស្សនាមឲ្យថា «Taiwan's Strongest Grandfather» និង «Real-life Master Roshi» បន្ទាប់ពីវីដេអូហាត់ប្រាណ (Gym) របស់បុរសតៃវ៉ាន់ខាងលើ ត្រូវបានបង្ហោះនៅលើបណ្ដាញអ៊ីនធឺណិត។

លោក Huang Ching-hsin

លោក Huang Ching-hsin វ័យ ៧២ ឆ្នាំ ទទួលបានការចាប់អារម្មណ៍យ៉ាងខ្លាំង បន្ទាប់ពីវីដេអូរបស់លោក ទទួលបានការចុចមើលរាប់លានដង នៅលើបណ្ដាញសង្គម។ លោក Huang តែងតែចូលហាត់ប្រាណ (Gym) នៅពេលដែលលោកទំនេរ ពីការងារកសិកម្ម នៅក្នុងទីក្រុង Pingtung នៃភាគនិរតីកោះតៃវ៉ាន់។

គ្រូបង្វឹកម្នាក់ បាននិយាយថា លោក Huang បានហាត់តាមវិធីសាស្ត្រ របស់បេក្ខជនដែលចូលរួមក្នុងការប្រឡងសាច់ដុំ «Mr Muscle» នៅតៃវ៉ាន់ និង អាស៊ី ទើបធ្វើឲ្យលោកមានរូបរាង និងសាច់ដុំស្រស់សង្ហាបែបនេះ។ ផ្ទុយទៅវិញ លោក Huang ធ្វើវាដើម្បីភាពសប្បាយរីករាយប៉ុណ្ណោះ។

គួរបញ្ជាក់ផងដែរថា លោក Huang អាចលើកដុំដែកទម្ងន់រហូតដល់ទៅ ១២០ គីឡូក្រាមឯណោះ៕

ចង់ដឹងយ៉ាងណា សូមទស្សនាវីដេអូទាំងអស់គ្នា៖