ឪពុកកូនក្រមុំត្រូវរន្ទះបាញ់ ពេលកំពុងជូនពរកូនប្រុសស្រី

2017-07-13 02:24:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីអាពាហ៍ពិពាហ៍ធ្វើនៅចម្ការផ្លែប៉ោមរបស់ឪពុក
រន្ទះបាញ់ពេលឪពុកសរសើរកូនប្រសាថា អ្នកជាមនុស្សសំណាង
សំណាងល្អត្រូវរបួសដៃ មិនប៉ះពាល់ជីវិត

ការជ្រើសថ្ងៃខែរៀបអាពាហ៍ពិពាហ៍ គឺគេជ្រើសរើសយកថ្ងៃជោគ ថ្ងៃជ័យ ថ្ងៃសិរីសួស្ដីសម្រាប់កូនកំលោះកូនក្រមុំឲ្យរកស៊ីមានបាន និងរួមរស់នៅជាមួយគ្នាប្រកបដោយសុភមង្គលជារៀងរហូត។

ឪពុក និងកូនស្រី

ចំណែករឿងរ៉ាវខាងក្រោមនេះ ជាហេតុការណ៍មិននឹកស្មាន ព្រោះឪពុកកូនស្រីត្រូវរន្ទះបាញ់ ខណៈពេលថ្លែងសន្ទរកថាជូនពរភ្ញៀវកិត្តិយស និងកំលោះកូនក្រមុំ។

ឪពុកកូនក្រមុំលោក JP Nadeau ត្រូវគេរាយការណ៍ថា ត្រូវរន្ទះបាញ់ក្នុងពិធីរៀបការកូនស្រីក្នុងចម្ការផ្លែប៉ោមនៅខេត្ត New Brunswick ប្រទេសកាណាដា កាលពីសប្ដាហ៍មុន។ សម្ដីចុងក្រោយរបស់ឪពុករូបនេះបានផ្ញើសារទៅកាន់កូនប្រសាគឺ "អ្នកពិតជាមានសំណាងណាស់ កូនប្រុស, ផាំង"។

ជាលទ្ធផលគាត់បានរបួសដៃ តែមិនប៉ះពាល់ដល់អាយុជីវិតទេ ខណៈដុំពពកប្រមូលផ្ដុំពូនគ្នាទៅជាដុំខ្មៅរកភ្លៀងនៅពីលើពិធីកាលពីថ្ងៃទី ៨ កក្កដា។ ពេលកើតហេតុ លោកកាន់ក្បាលមេក្រូ ស្រាប់តែរន្ទះបាញ់មកដៃលោកធ្វើឲ្យចេញផ្កាភ្លើងគួរឲ្យភ្ញាក់ផ្អើល។ ប៉ុន្តែកម្មវិធីមិនបានបញ្ឈប់ទេ គឺដំណើរការរហូតដល់ចប់ទាំងអារម្មណ៍ស្លន់ស្លោស្ទើគ្រប់គ្នា។

លោក Nadeau និយាយប្រាប់ថា ខ្លួនជាមនុស្សមិនមានសំណាង ព្រោះកាលឆ្នាំ ២០១៥ លោកបានធ្វើការនៅលើនាវាកម្សាន្តមួយ ក៏ត្រូវភ្លើងឆេះនៅក្បែរកោះ Falkland តែបានទ័ពអាកាសអង់គ្លេសជួយសង្គ្រោះទាន់ពេល៕