ក្ដុកក្ដួលណាស់ សិល្បករចាស់ៗទៅលាអគារប៊ូឌីញ «ស» មុនវាយកម្ទេច(វីដេអូ)

2017-07-14 04:25:46
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រុមសិល្បៈខ្មែរអមតៈបាននាំសិល្បករចាស់ៗមួយក្រុម ព្រមទាំងលោកព្រឹទ្ធាចារ្យចាប៉ីដងវែង គង់ ណៃ ទៅលា អគារប៊ូឌីញ «ស» មុនវាយកម្ទេច។

ចាស់ព្រឹទ្ធាចារ្យដែលបានចូលរួមព្រឹកមិញនេះបានប្រសាសន៍យ៉ាងក្ដុកក្ដួលថា លោកទាំងអស់គ្នាក៏ដូចជាក្រុមសិល្បៈមានអនុស្សាវរីយ៍ច្រើនណាស់ជាមួយអគារចាស់ទ្រុឌទ្រោមមួយនេះ ហើយពេលនេះជាការលាលើកចុងក្រោយរបស់ពួកលោកមុននឹងវាយកម្ទេច។

“យើងរឿងច្រើនណាស់នៅទីនេះ អនុស្សាវរីយក៏ច្រើនណាស់ដែរ ពេលនេះលើកចុងក្រោយហើយដែលបានអង្គុយសម្ដែងនៅ ប៊ូឌីញ យើងនឹងលែងបានឃើញរហូតហើយ។" ចាស់ព្រឹទ្ធាចារ្យ ថ្លែង។

ក្នុងកម្មវិធីលាអគារប៊ូឌីញ «ស» ព្រឹកក៏មានការប្រគំតន្ត្រីសិល្បៈបុរាណចាប៉ីដងវែង ក្រុមភ្លេងពិណពាទ្យ និងស្មូតលាប៊ូឌីញផងដែរ។

អគារប៊ូឌីញ «ស» គឺជាសំណង់ចាស់បុរាណដែលបន្សល់ទុកតាំងពីឆ្នាំ ១៩៦៤ (អាយុកាលជាង ៥០ឆ្នាំ) ធ្លាប់មានសម្រស់ ស្ថាបត្យកម្ម និងមោទនភាព ក្នុងសម័យសង្គមរាស្ត្រនិយម ដែលបានបង្ហាញពីការរីកចំរើន ស្ថាបត្យកម្ម សម្រស់ ហើយជាកន្លែងមន្ត្រីជាន់ខ្ពស់ស្នាក់នៅ។ ចំណែកឯក្នុងឆ្នាំ១៩៧៩ អគារដ៏ប្រណិតមួយនេះក៏ជាកន្លែងស្នាក់នៅរបស់មន្ត្រីរាជការផងដែរ។ អគារនេះលែងបានឃើញនឹងបាត់ពី Google Map ក្រោយថ្ងៃ ១៧ កក្កដា ដែលមនុស្សជំនាន់នេះ និងជំនាន់ក្រោយលែងបានឃើញទៀតហើយ ត្រូវបានជំនួសដោយសំណង់ថ្មី៕