ផ្ទាំងរូបថតរោងកុនចាស់ៗ៥ខេត្តរបស់កម្ពុជាត្រូវបាននិស្សិតអាមេរិកយកមកបង្ហាញ

2017-07-15 07:06:31
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតអាហារូបករណ៍មកពីអាមេរិកផ្នែកប្រវត្តិសាស្ត្រ កញ្ញា Jessica Austin បានធ្វើការបង្ហាញជូនផ្ទាំងរូបថតរោងកុនចាស់ៗ៣៥ សន្លឹកមកពីខេត្តចំនួន៥របស់កម្ពុជាកាលពីយប់មិញ នៅ Bophana Center ។

និស្សិតផ្នែកប្រវត្តិសាស្រ្ដមកពីអាមេរិក Jessica Austin

និស្សិតផ្នែកប្រវត្តិសាស្ត្ររូបនេះបានប្រាប់ Sabay ថា ខេត្តទាំង៥ដែលនាង ចុះថត និងស្រាវជ្រាវ មានខេត្ត បាត់ដំបង កំពង់ចាម ស្ទឹងត្រែង ក្រចេះ និងខេត្តកំពត។ មូលហេតុដែលនាងចុះមកស្រាវជ្រាវរោងកុនចាស់ៗនៅកម្ពុជា ដោយសារតែការស្រឡាញ់ ភាពយន្តភាពយន្ត និងចង់ដឹងរឿងរ៉ាវមួយនៃការបាត់បង់រោងកុនចាស់ៗមួយចំនួននៅកម្ពុជា។

“ខ្ញុំធ្វើដំណើរទៅខេត្ត នីមួយៗជាមួយក្រុមការងារកម្រងរោងកុន ដើម្បីទៅផ្ដិតយករូបភាពចាស់ៗពីរោងកុនទាំងអស់នោះ។ នៅពេលដែលខ្ញុំយករូបចាស់ៗពីរោងកុនបានហើយ ខ្ញុំយកមកបង្ហាញជូនប្រជាជនកម្ពុជា តើពួកគាត់មានអារម្មណ៍យ៉ាងណាពេលឃើញរោងកុនចាស់ៗដែលបានបាត់បង់ទៅ"។ និស្សិតអាមេរិករូបនេះថ្លែងបញ្ជាក់។

ចំពោះរូបថតនៃរូបកុនចាស់ៗ ៣៥ សន្លឹកមកពី៥ខេត្តដែល Jessica Austin យកមកបង្ហាញមាន៤ ចំណុចសំខាន់ខុសៗគ្នា៖ ចំណុចទី១ បង្ហាញអំពីពន្លឺ និងស្រមោលនៃរោងកុន ទី២ បង្ហាញកម្រងនៃរោងកុន ទី៣បង្ហាញអ្វីដែលនៅពីមុខរោងកុនចាស់ៗ និងទី៤បង្ហាញអំពីផ្នែកជីវិតរបស់មនុស្សប្រុស២នាក់៕