ភ្ញាក់ផ្អើល! Ed Sheeran ច្រៀងមួយបទពេលបង្ហាញខ្លួនក្នុងរឿង "Game of Throne" (វីដេអូ)

2017-07-17 09:51:24
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Ed Sheeran បានបង្ហាញខ្លួននៅក្នុងរឿងភាគដ៏ល្បី "Game of Throne” នៅល្ងាចថ្ងៃអាទិត្យដែលត្រូវនឹងពេលព្រឹកនៅកម្ពុជានេះ សម្រាប់ភាគដំបូងក្នុងរដូវកាលទី៧ ដោយបង្ហើរនូវសំនៀងចម្រៀងមួយបទក្នុងឈុតមួយនៃសាច់រឿង។

Ed Sheeran និង Maisie Williams ក្នុងឈុតមួយសម្រាប់រឿង "Game of Throne"

តារាវ័យ២៦ឆ្នាំនេះពិតជាត្រូវគេរៀបចំឲ្យសម្ដែងក្នុងវគ្គនេះបានល្អណាស់ ព្រោះតម្រូវឲ្យលោកច្រៀងចម្រៀងមួយបទ ហើយពិតជាពីរោះដែលធ្វើឲ្យអ្នកទស្សនាជាច្រើនកោតសរសើរក្នុងនោះក៏មានតារាល្បី David Beckham ផងដែរ។

ម្ចាស់បទ "Thinking Out Loud” រូបនេះបានបង្ហាញខ្លួនលើកញ្ចក់ទូរទស្សន៍ជាមួយនឹងឈុតមួយសម្ដែងជាមួយតួអង្គ Arya សម្ដែងដោយតារាសម្ដែង Maisie Williams ដោយអ្នកទាំងពីរជិះសេះក្បែរគ្នាកាត់ព្រៃ។

ពេលនោះតួអង្គ Ed Sheeran បានច្រៀងចម្រៀងមួយបទដែលមានពាក្យពេចន៍ដកចេញពីក្នុងសៀវភៅ “A Dance with Dragon” របស់លោក George R.R. Martin។

នេះគឺជាលើកទី១ ហើយដែលមានតារាចម្រៀងល្បីឈ្មោះបង្ហាញខ្លួនជាតួអង្គកិត្តិយសក្នុងរឿងភាគដ៏ល្បីមួយនេះ។ ខណៈនោះដែរមានអ្នកប្រើបណ្ដាញសង្គមជាច្រើនបង្ហាញពីអារម្មណ៍រំភើបរបស់ពួកគេដែល Ed Sheeran បង្ហាញខ្លួនក្នុងរឿងភាគនេះ ប៉ុន្តែក៏មានអ្នកខ្លះមិនពេញចិត្តដែរ៕

នេះជាវីដេអូដែល Ed Sheeran ច្រៀងនៅក្នុងរឿងភាគ "Game of Throne”៖