ឡៅ ស៊ីណាត៖ ទុកចិត្តប្អូនប្រុសខ្លួនយកមេដាយបាននៅស៊ីហ្គេម

2017-07-19 04:27:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករមានកេរ្តិ៍ឈ្មោះល្បីនិងជាអ្នកប្រដាល់ដោយបច្ចេកទេស ឡៅ ស៊ីណាត សម្រាប់ស៊ីហ្គេម ឆ្នាំ២០១៧ នៅប្រទេសម៉ាឡេស៊ីខាងមុខនេះនេះគឺជឿជាក់លើប្អូនប្រុសរបស់ខ្លួន ឡៅ ចិត្រា ថានឹងយកមេដាយជូនកម្ពុជាបាន។

ឡៅ ស៊ីណាត

ឡៅ ស៊ីណាត បានឲ្យដឹងថា លោកពិតជាជឿជាក់និងទុកចិត្តលើកីឡាករ ឡៅ ចិត្រា ព្រោះពេលបច្ចុប្បន្ននេះគេកំពុងឡើងកូដខ្លាំង ស្របពេលដែលការតាំងចិត្តនិងការខិតខំប្រឹងហ្វឹកហាត់របស់គេព្យាយាមជាប្រចាំតែម្ដង។ តាមរយៈប៉ុន្មានប្រកួតនេះរបស់គេគឺធ្វើបានល្អទទួលបានជ័យជម្នះជានិច្ចមិនថាប្រកួតមិត្តភាពអន្តរជាតិ ឬប្រកួតម៉ារ៉ាតុងនោះទេ។

កីឡាករ ឡៅ ចិត្រា

ចៅក្រោមនៅសង្វៀនបាយ័នរូបនេះបន្តថា ប្អូនប្រុសម្នាក់នេះគេប្រកួតមិនដែលប្រណីដៃឲ្យដៃគូនោះទេ ពេលឮសូរជួងភ្លាមគឺគេ(ចិត្រ)ចូលវ៉ៃរហូតចប់ទឹកឬផ្ដួលដៃគូដល់សន្លប់តែម្ដង។ បើនិយាយពីស្នៀតប្រយុទ្ធ ចិត្រា គឺចេញបានទាំងអស់ មិនថាកណ្ដាប់ដៃ ជង្គង់ កែង ទាត់ និងធាក់នោះទេ គេអាចប្រើបានទាំងព្រម។

ស៊ីណាត បន្ថែមទៀតថា ចិត្រា ក៏នៅមានចំណុចដែលត្រូវបំពេញបន្ថែមទៀតដែរ គឺគេនៅខ្ចីមានន័យថានៅក្មេងហើយទើបប្រឡូកបានប៉ុន្មានឆ្នាំទេ ដូច្នេះត្រូវហាត់ឲ្យរឹងខ្លាំងជាងនេះទៀត កម្លាំងដៃ កម្លាំងជើងនៅស្រាលបន្តិច បើហាត់ឲ្យមានទម្ងន់ជាងនេះបន្តិចទៀតរឹតតែងាយផ្ដួលដៃគូតែម្ដង។

កីឡាករ ឡៅ ចិត្រា

ឡៅ ស៊ីណាត បច្ចុប្បន្ននេះជាចៅក្រមនិងជាអាជ្ញាកណ្ដាលនៅស្ថានីយទូរទស្សន៍ បាយ័ន គេជាបងប្រុសរបស់កីឡាករ ឡៅ ចន្រ្ទា និង ឡៅ ចិត្រា។ សម្រាប់ស៊ីហ្គេមឆ្នាំនៅប្រទេស ម៉ាឡេស៊ី ខែក្រោយនេះប្អូនប្រុសរបស់គេ ឡៅ ចិត្រា និងចេញទៅប្រកួតតំណាងឲ្យកម្ពុជាប្រជែងយកមេដាយនៅព្រឹត្តិការនេះ ហើយគេនឹងប្រកួតក្នុងប្រភេទទម្ងន់ ៥៧គីឡូក្រាម៕ ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង។

អត្ថបទ៖ នួន ស៊ីណា