សោកស្ដាយណាស់! តួប្រុសក្នុងរឿង "Home Alone” បានទទួលមរណភាពហើយ

2017-07-24 02:30:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តួប្រុសម្នាក់ក្នុងរឿង "Home Alone” លោក John Heard បានទទួលមរណភាពហើយ នៅអាយុ ៧២ឆ្នាំកាលពីថ្ងៃទី ២១ ខែកក្កដា កន្លងទៅថ្មីៗ។

តារាសម្ដែងដែលទស្សនិកជនភាគច្រើនស្គាល់ថា ជាតួក្នុងរឿងអាមេរិកដ៏ល្បី កាលពីអំឡុងឆ្នាំ ១៩៩០ លោក John Heart បានទទួលការគាំទ្រជាខ្លាំងក្នុងពេលសម្ដែងរឿងនោះ។ ថ្វីត្បិតលោកបានសាងកេរ្តិ៍ឈ្មោះ តាំងពីមុនសម្ដែងរឿង "Home Alone" ក៏ពិតមែន តែប្រជាប្រិយភាពរបស់លោក ចេះកើនឡើងទ្វេដងទៀត ដោយសារការសមត្ថភាពសម្ដែងដ៏សក្ដិសមឥតខ្ចោះ។ ជាអកុសល តារាប្រុសរូបនេះបានឃ្លាតចាកទៅឆ្ងាយលែងត្រលប់ហើយ កាលពីថ្ងៃសុក្រសប្ដាហ៍មុន។

ឈុតខ្លះរបស់លោក John Heard ក្នុងរឿង "Home Alone”

តាមព័ត៌មានជាច្រើនបានចុះផ្សាយថា "Peter McAllister” ដែលជាតួឪពុករបស់តួក្មេងប្រុស "Kevin” ក្នុងរឿងត្រូវបានប្រទះឃើញថាស្លាប់ក្នុងបន្ទប់សណ្ឋាគារ ដោយអ្នកបុគ្គលិកសណ្ឋាគារម្នាក់មួយក្នុងទីក្រុង Palo Alto រដ្ឋ California។ មរណភាពរបស់លោក John បង្កឲ្យមានការភ្ញាក់ផ្អើល និងសោកស្ដាយជាខ្លាំងពីសំណាក់មិត្តរួមអាជីព និងអ្នកគាំទ្រទាំងអស់៕