អ្នកថតរូបសរសើរ Justin Bieber បន្ទាប់ពីត្រូវឡានបុក (វីដេអូ)

2017-07-29 04:50:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកថតរូបដែលត្រូវ Justin Bieber បើកឡានបុកកាលពីថ្ងៃពុធសរសើរតារាចម្រៀងនេះជាក្មេងល្អពេលសម្រាកនៅមន្ទីរពេទ្យ។

អ្នកថតរូប Maurice Lamont

អ្នកថតរូប Maurice Lamont បានបង្ហោះវីដេអូលើ Instagram ពីមន្ទីរពេទ្យនិយាយថាមិនចង់បានអ្វីពី Justin ទេ ហើយក៏មិនបានខឹងតារារូបនេះដែរ។

រឿងហេតុនេះបានកើតឡើងកាលពីយប់ថ្ងៃពុធ ខណៈដែលតារាចម្រៀងវ័យ ២៣ឆ្នាំរូបនេះបើកឡានចាកចេញបម្រើកាតព្វកិច្ចសាសនានៅព្រះវិហារគ្រិស្ត តំបន់ Beverly Hills។

បន្ទាប់បុកភ្លាមៗ Justin បានស្រវ៉ាចុះចេញពីរថយន្តភ្លាមៗ ដើម្បីជួយមើលអ្នកថតរូបម្នាក់នោះទម្រាំឡានពេទ្យសង្គ្រោះមកដល់។

ប៉ូលិសនៅទីតាំងនោះបាននិយាយថាលោក Lamont មិនមានគ្រោះថ្នាក់អ្វីធ្ងន់ធ្ងរនោះទេ។

បើយោងទៅតាមវីដេអូរបស់លោកដែលបានបង្ហោះលើវិបសាយ TMZ លោកបាននិយាយថា Justin Bieber បានចេញពីព្រះវិហារដោយមានអាកប្បកិរិយាល្អ ហើយគឺជាក្មេងល្អម្នាក់ គ្រោះថ្នាក់វាតែងតែកើតមានជាយថាហេតុអីចឹងហើយ៕

នេះជាវីដេអូទិដ្ឋភាពថ្ងៃកើតហេតុ៖