គួរប្រើពន្លឺអេក្រង់ស្មាតហ្វូនកម្រិតណា ទើបភ្នែកមានសុវត្ថិភាព?

2017-08-01 02:16:31
ចំនួនមតិ 0 | ចំនួនចែករំលែក 0

ចន្លោះមិនឃើញ

មានសំណួរមួយបានចោទសួរនៅលើប្រព័ន្ធអ៊ីនធឺណិត តើរវាងកម្រិតពន្លឺភ្លឺខ្លាំង និងពន្លឺងងឹត មួយណាមានសុវត្ថិភាពជាងសម្រាប់អ្នកប្រើប្រាស់ស្មាតហ្វូន?

ចម្លើយសម្រង់ចេញពីគេហទំព័រ Quora បានឲ្យដឹងថា កត្តាទាំងនោះផ្អែកទៅលើកម្រិតពន្លឺនៅជុំវិញខ្លួនយើង ករណីបើពេលនោះងងឹត ឬជាពេលយប់ កម្រិតអេក្រង់បែបស្រអាប់ (ងងឹត) ជាជម្រើសល្អក្នុងការប្រើប្រាស់ ដែលវានឹងមិនប៉ះពាល់ដល់ភ្នែករបស់អ្នកឡើយ។ ទៀតសោតបើអ្នកប្រើនៅទីតាំងដែលមានពន្លឺជះខ្លាំង ដូចជាក្រោមពន្លឺថ្ងៃជាដើម នោះអ្នកនឹងមិនអាចប្រើពន្លឺអេក្រង់បែបស្រអាប់បានឡើយ លុះត្រាតែប្ដូរកម្រិតពន្លឺមកភ្លឺខ្លាំងល្មមវិញ។ ចំណុចនេះ អ្នកក៏អាចប្រើប្រាស់មុខងារ Auto-Brightness បានដូចគ្នា ដោយពពួកស្មាតហ្វូនស៊េរីល្មមៗ ក៏មានដែរ គ្រាន់ថាពេលខ្លះវាមិនល្អ ១០០% ដូចការកំណត់ដោយដៃផ្ទាល់ឡើយ។

ក្រៅពីនោះជម្រើសទី ២ សម្រាប់អ្នកប្រើ iPhone គឺអាចប្រើមុខងារជំនួយ ២ យ៉ាងនៅទីតាំងងងឹត រួមមាន Invert Color និង Night Shift ។ ដោយ Invert Color នឹងប្ដូរពណ៌អេក្រង់ពី អេក្រង់ពណ៌ទៅជាអេក្រង់ស-ខ្មៅ ហើយ Night Shift ជាមុខងារប្រែផ្ទៃអេក្រង់ទៅជាពណ៌លឿងស្រអាប់ ប៉ុន្តែយើងអាចស្វ័យប្រវត្តិឲ្យវាបិទលែងដំណើរការបាននៅពេលណាមួយ។ ចុចត្រង់នេះ ដើម្បីដឹងពីវិធីប្រើប្រាស់៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Quora ប្រែសម្រួល ៖ កៅ រក្សា