Neymar លេងមួយក្បាច់ដាច់ចង្កេះ PSG

2017-08-01 12:50:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញសារព័ត៌មាន Daily Mail បានចុះផ្សាយថាខ្សែប្រយុទ្ធពូកែញាក់ Neymar Jr នឹងអាចទៅ ពិនិត្យសុខភាពរយៈពេលខ្លីរួចអាចចុះកុងត្រាជាមួយ PSG នៅថ្ងៃពុធ តែឡូវកីឡាករសញ្ជាតិប្រេស៊ីលរូបនេះ បានញាក់ក្លឹបមហាសេដ្ឋី PSG មែន ដោយកីឡាកររូបនេះនឹងមិនឈប់នៅប្រទេស Qatar ទេ បែរជាទៅអេស្ប៉ាញតែម្ដង បើតាមសារព័ត៌មាន Goal។

Neymar Jr

**កីឡាករវ័យ ២៥ឆ្នាំរូបនេះ នឹងហោះត្រលប់ទៅហាត់ជាមួយមិត្តរួមក្រុមខ្លួន ក្នុងក្លឹបអ្នកមានបុណ្យ Barcelona នៅប្រទេសអេស្ប៉ាញនាថ្ងៃពុធនេះបន្ទាប់ពីបញ្ចប់បេសកកម្មមុខជំនួញខ្លួនរួចនៅទីក្រុង សៀងហៃ ប្រទេសចិន។**

ទោះជាយ៉ាងណាក៏ដោយ ក្លឹបយក្សបារាំង PSG នៅតែមានសង្ឃឹមខ្ពស់ក្នុងការតាមទិញយកខ្សែប្រយុទ្ធស្លាបឆ្វេងរូបនេះ។

គួរបញ្ជាក់ផងដែរ មួយរយៈពេលចុងក្រោយនេះ មានពាក្យចចាមអារាមជាច្រើនទាក់ទងទៅនឹងកីឡាករពាក់អាវលេខ ១១ រូបនេះ ជាមួយនឹងការផ្ទេរទៅក្លឹបមហាសេដ្ឋីអារ៉ាប់ PSG ក្នុងទំហំទឹកប្រាក់ដ៏ញាក់សាច់ ២២០លានអឺរ៉ូ៕

ប្រភព៖ Goal ប្រែសម្រួល៖ ហ៊ីម រស្មី