Alves ថា Neymar ធំដឹងក្ដីហើយ គេអាចសម្រេចអ្វីតាមចិត្តខ្លួនឯងបាន
- 2017-08-07 04:05:13
- ចំនួនមតិ 0 | ចំនួនចែករំលែក 0
Alves ថា Neymar ធំដឹងក្ដីហើយ គេអាចសម្រេចអ្វីតាមចិត្តខ្លួនឯងបាន
ចន្លោះមិនឃើញ
អតីតខ្សែការពារក្លឹប Bacelona សញ្ជាតិប្រេស៊ីល Dani Alves បាននិយាយថា ខ្លួនបានដឹងរួចជាស្រេចទៅហើយ តាំងពីប៉ុន្មានសប្ដាហ៍ មុនការផ្ទេរជាផ្លូវការ ត្រូវបានប្រកាសម្ល៉េះ ថា Neymar នឹងចាកចេញពីក្រុមអ្នកមានបុណ្យ ព្រោះមិត្តរួមសញ្ជាតិរូបនេះបានប្រាប់លោក ហើយថែមទាំងបានអូសទាញឲ្យទៅក្លឹបPSG ជាមួយគ្នាទៀតផង។
“Neymar ធំហើយឥឡូវនេះ។ គេលែងជាក្មេងប្រុសដូចកាលមកដល់ Barca ដំបូងហើយ។ ពេលនោះខ្ញុំ បានណែនាំគាត់អោយមកលេងនៅក្លឹប Barcelona "។ នេះបើតាមសារព័ត៌មាន Goal ។
Alves ថាឥឡូវដល់ពេលដែលត្រូវធ្វើតាមបំណងតារាឆ្នើមវ័យក្មេងម្ដង ព្រោះកាលពីមុនខ្លួនក៏ធ្លាប់បានអូសទាញសិស្សប្អូនឲ្យមកលេងនៅទឹកដីអេស្ប៉ាញដែរ។ ខណៈដែលពេលនេះវិញ ខ្សែប្រយុទ្ធពាក់អាវលេខ១០នេះ គឺអាចសម្រេចអ្វីបានខ្លួនឯង គេធ្វើអ្វីទាំងអស់តាមបេះដូងខ្លួនត្រូវការ។
ទាក់ទិននឹងការផ្លាស់ទៅលេងនៅក្លឹប PSG ក្នុងតម្លៃខ្លួន២២២លានអឺរ៉ូនេះដែរ Neymar បានឱ្យដឹងដែរថា៖ “បេះដូងរបស់ខ្ញុំប្រាប់ខ្ញុំថាដល់ពេលទៅ Paris Saint-Germain ហើយ។ វាមិនមែនដោយសារតែលុយទើបខ្ញុំមកទីនេះនោះទេ។ ខ្ញុំពិតជារីករាយខ្លាំងណាស់ ខ្ញុំមិនអាចបរិយាយអារម្មណ៍ពេលនេះបានទេ។ ខ្ញុំមកទីនេះដើម្បីជួយក្រុមឈ្នះពានជាច្រើនតាមដែលអាចធ្វើបាន។ ខ្ញុំមកដើម្បីក្រេបការប្រកួតប្រជែងថ្មី និងឈ្នះពាន”។
ក្នុងអំឡុងពេលលេងឲ្យក្លឹប Barca អស់រយៈពេល ៤រដូវកាល កីឡាករវ័យ២៥ឆ្នាំរូបនេះស៊ុតបញ្ចូលទី បាន ៦៨គ្រាប់ បញ្ជូនឲ្យមិត្តរួមក្រុមបាន ៣៨ គ្រាប់ និងបង្កើតឱកាសក្នុងការស៊ុតរហូតដល់ទៅ ២៨៧ ដង៕
ចុចអានអត្ថបទបន្ដ៖
Mourinho ធ្វើបានកំណត់ត្រាមួយក្នុងប្រវត្តិសាស្ត្របាល់ទាត់ គ្រប់គ្នាស្មានមិនដល់
Conte ប្រាប់មូលហេតុដែល Courtois ទាត់ប៉េណាល់ទីទល់ Arsenal