Mourinho ថា គ្រាប់បាល់ទីមួយយប់មិញ Offside ទេ បើមាន VAR ពិនិត្យល្អ

2017-08-09 02:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho ជឿជាក់ថា គ្រាប់ទីមួយរបស់ Casemiro យប់មិញគឺជាបាល់ជំហរក្រៅល្បែង (Offside) ហើយសោកស្ដាយដែលគ្មានវីដេអូអាជ្ញាកណ្ដាលពិនិត្យ (VAR) ពេល Manchester United ចាញ់ Real Madrid។

ការប្រកួតយប់មិញ បិសាចក្រហម Man Utd មានឱកាសរកគ្រាប់បាល់បានច្រើន ប៉ុន្តែតែងតែធ្វើឲ្យឱកាសនោះរំលងហួស។ ពាក់ព័ន្ធនឹងការបរាជ័យ Mourinho បានប្រាប់សារព័ត៌មានថា៖ "គ្រាប់បាល់ទីមួយរបស់ Real Madrid គឺ ជំហរក្រៅល្បែង។ ប្រសិនពួកយើងមានវីដេអូអាជ្ញាកណ្ដាលពិនិត្យ ប្រាកដណាស់វគ្គទីមួយលទ្ធផល ០-០"។ អ្នកចាត់ការព័រទុយហ្គាល់ក៏បានលើកសរសើរអតីតក្រុមចាស់របស់ខ្លួនបន្តិចដែរថា ថាមពលរបស់ Real Madrid មកពីក្រុមមួយមានដែលមានកម្រិតខ្ពស់លេងស៊ីគ្នា ជាពិសេសខ្សែបម្រើដែលមានលទ្ធភាពអាចបញ្ជូនបាល់យ៉ាងល្អ។ តែលោករីករាយនឹងការលេងយប់មិញ។

Mourinho ការបាននិយាយលើកទឹកចិត្តកីឡាករចំណូលថ្មី Romelu Lukaku ត្បិតតែខកខានឱកាសមួយចំនួនថា៖ "វាពិតជាពិបាកសម្រាប់ការលេងជាមួយក្រុមដែលមានការគ្រប់គ្រងបាល់ល្អ ពិតហើយ Lukaku បាត់បង់ឱកាសរកគ្រាប់បាល់បើកឆាក តែគេរកបានមួយគ្រាប់នឹងបានប្រយុទ្ធយ៉ាងល្អជាមួយ Sergio Ramos និងphael Varane ខ្ញុំសប្បាយចិត្ត នៅពេលដែលគេសម្របខ្លួនល្អមួយក្រុមដ៏អស្ចារ្យ"៕