ក្ដុកក្ដួលរូបភាពនិងវីដេអូគួរស្រណោះរបស់ Ji Chang Wook លាអ្នកគាំទ្រចូលយោធា

2017-08-14 02:33:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះជា ថ្ងៃកំណត់ដែលតារាប្រុសដ៏ល្បីប្រចាំប្រទេសកូរ៉េ Ji Chang Wook នឹងជើងចូលខ្លួនបំពេញកាតព្វកិច្ចដ៏សំខាន់បំផុតជាយោធា ដែលជាកិច្ចការមួយមិនអាច រំលងបានឡើយក្នុងនាមជាកូនប្រុសជនជាតិកូរ៉េ។

កាលពីថ្ងៃទី ១៣ខែសីហាម្សិលមិញ គណនី Instagram របស់តារាប្រុសរូបនេះបានបង្ហោះវីដេអូ កាត់សក់របស់ខ្លួន ដែលធ្វើឲ្យអ្នកគាំទ្រមួយចំនួន ហាក់មានអារម្មណ៍អាឡោះអាល័យតារាក្នុងដួងចិត្តរបស់ពួកគេរូបនេះណាស់។

ទស្សនាវីដេអូខាងក្រោម៖

A post shared by 지창욱 (@jichangwook) on Aug 12, 2017 at 4:18am PDT

មិនត្រឹមតែប៉ុណ្ណោះ ខាងទស្សនាវដ្ដី "Singles” ក៏បានបង្ហោះរូបភាពរបស់ Ji Chang Wook ក្រោយពេលកាត់សក់ដែរ ដោយបានសរសេរសារអមជាមួយរូបភាពនោះលើគណនី Instagram ថា៖ "ពូកយើងសូមបង្ហាញរូបភាព តារាសម្ដែង Ji Chang Wook ក្រោយកាត់សក់។ តើសម្រស់របស់លោក ស្រក់សង្ហាយ៉ាងណាដែរ ពេលសក់របស់លោកកាត់អស់បែបនេះ? ពួកយើង នឹងរង់ចាំអ្នក (Ji Chang Wook) រហូតដល់ថ្ងៃយើងជួបគ្នាជាថ្មីព្រមជាមួយសុខភាពល្អ”។

រូបថតនោះបានបង្ហាញ ឲ្យឃើញតារាប្រុសរូបនេះឈរអង្អែលក្បាល ហាក់ដូចជាអៀនខ្មាស ពេលដែលអស់សក់។ មួយវិញទៀតនៅលើរូបថត ក៏មានចុះហត្ថលេខារបស់ Chang Wook ព្រមទាំងភ្ជាប់សំណេរខ្លីថា ខ្លួននឹងត្រឡប់មកវិញ និងព្យាយាមបំពេញកាតព្វកិច្ចឲ្យបានល្អបំផុត។

គួរបញ្ជាក់ផងដែរថា ប្រុសសង្ហាដែលប្រជាជនកម្ពុជាភាគច្រើនស្គាល់ថាជា "Dong Hae” ចាប់ផ្ដើមចូលធ្វើជាទាហាននៅថ្ងៃទី ១៤ ខែសីហានេះហើយ។ អ្នកគាំទ្រទាំងអស់នឹងរង់ចាំដំណើរវិលមកវិញ របស់តារាសំណព្វចិត្តរបស់ខ្លួនរូបនេះ ក៏ដូចជាផ្ញើសារជូនពរឲ្យលោកទទួលបានជោគជ័យកុំបីខាន៕